Непрыемны «сюрпрызiк» з Атлантыкi

Источник материала:

Як паведамiла карэспандэнту «Звязды» начальнiк аддзела метэаралагiчных прагнозаў Рэспублiканскага гiдраметцэнтра Валянцiна Скрабец, цяпло ў нашай краiне затрымалася нядоўга. Справа ў тым, што ўжо сёння з ранiцы заходнiмi вятрамi на тэрыторыю Беларусi распаўсюдзiцца халаднаватае i няўстойлiвае паветра, якое завiтае да нас разам з вялiзнымi цыклонамi Атлантыкi.

Ужо сёння ўдзень моцныя дажджы пачнуцца па паўднёвым усходзе краiны, а ў асобных раёнах рэгiёна чакаюцца нават працяглыя навальнiцы. Тэмпература паветра ў сераду будзе вагацца ў межах 14—20 градусаў i толькi на паўднёвым усходзе Гомельскай вобласцi — на некалькi градусаў цяплей. Сiноптыкi падлiчылi, што да канца тыдня ў рэспублiцы захаваецца няўстойлiвы характар надвор’я, калi кароткачасовыя дажджы з навальнiцамi будуць чаргавацца з непрацяглымi лакальнымi паляпшэннямi надвор’я. Паводле меркавання спецыялiстаў, тэмпературны рэжым у гэтыя днi ўсталюецца нiжэй клiматычнай нормы. Тэмпература паветра ўначы прагназуецца толькi 3—10 градусаў, а ўдзень — 13—18 цяпла, у асобныя днi па поўднi краiны — да плюс 20 градусаў.

Паводле папярэднiх прагнозаў айчынных сiноптыкаў, нават у першыя днi наступнага тыдня сапраўднае цяпло да нас яшчэ не вернецца, а ўначы будзе халаднавата.