Калi даiшнiку... 12 гадоў!

Источник материала:

Гэтая мiжнародная акцыя адкрылася ў цэнтры старажытнага Полацка, а спаборнiцтвы праходзiлi ў аздараўленчым лагеры «Камета» прадпрыемстсва «Нафтан», дзе на працягу некалькiх дзён i гасцiлi непаўналетнiя iнспектары. Хлопцы i дзяўчынкi здалi тэарэтычны экзамен на веданне правiлаў дарожнага руху, прадэманстравалi клас кiравання веласiпедамi, падзялiлiся з равеснiкамi вопытам аказання першай медыцынскай дапамогi тым, хто «стаў ахвярамi ДТЗ». Каманды (па 8 чалавек у кожнай: палова хлопчыкаў i палова дзяўчынак) таксама паказвалi свае тэатралiзаваныя праграмы, падчас якiх агiтавалi нiколi не парушаць дарожныя правiлы. Прайшоў i агляд агiтацыйных плакатаў па гэтай тэме. Усе без выключэння каманды атрымалi ў падарунак веласiпеды, а яшчэ самыя розныя прызы ад спонсараў — фонду бяспекi дарожнага руху, МТС, кампанii «Белнафтастрах». На думку арганiзатараў злёту — афiцыйных асоб МУС i Мiнiстэрства адукацыi, менавiта гэтыя маленькiя ўдзельнiкi дарожнага руху не горш за прафесiйных супрацоўнiкаў ДАI могуць добра растлумачыць i дзецям, i дарослым, як правiльна весцi сябе, каб не стаць ахвярай ДТЗ. Некаторыя з юных даiшнiкаў потым назаўсёды звязваюць сваё жыццё з работай у праваахоўных органах.