«Ртутныя» хлопчыкi...

Источник материала:

Як паведамiлi карэспандэнту «Звязды» ў прэс-групе Упраўлення ваеннай контрразведкi КДБ Беларусi, у Жодзiне былi затрыманы двое дзялкоў, якiя спрабавалi рэалiзаваць чыгунную колбу, у якой змяшчалася 17 кiлаграмаў ртуцi. Крыху пазней контрразведчыкi ўстанавiлi, што галоўнымi арганiзатарамi незаконнай аперацыi з небяспечным металам з’яўлялiся... двое непаўналетнiх хлопцаў, якiя таксама былi затрыманы.

Такiм чынам, кампетэнтным службам удалося канфiскаваць з незаконнага абароту вялiкую колькасць металу, якi, паводле даных Сусветнай арганiзацыi аховы здароўя, адпавядае 1-му класу небяспекi i ўяўляў нежартоўную небяспеку для здароўя людзей, што маглi пацярпець у вынiку дзейнасцi «бiзнэсменаў». Апошнiм, дарэчы, не пазайздросцiш: адзiн з непаўналетнiх фiгурантаў справы правядзе ў папраўчай калонii агульнага рэжыму два гады, другi — два гады ў выхаваўчай калонii, а iх больш сталыя «партнёры» не толькi страцiлi маёмасць, якая была канфiскавана ў iх па рашэнню суда, але таксама будуць вымушаны адседзець па тры гады кожны ў калонii ўзмоцненага рэжыму.

Iгар ГРЫШЫН.

I зноў трава гарэла

У в. Дзеткавiчы Драгiчынскага раёна 77-гадовая жанчына падпалiла траву i пайшла ў хату, а агонь рушыў у бок хлява суседкi, якая знаходзiлася ў Антапольскай бальнiцы. У вынiку згарэў хлеў, 10 тон торфу i 2 тоны сена. Цяпер справу будзе разглядаць суд.

Сымон СВIСТУНОВIЧ.