Спорт-тайм

Источник материала:

Сёння футбалiсты нацыянальнай зборнай адправiлiся ў Англiю, каб правесцi таварыскую сустрэчу з другой зборнай гэтай краiны. Матч адбудзецца заўтра ў горадзе Рэдзiнг, што знаходзiцца побач з брытанскай сталiцай, на стадыёне «Мадзейскi», а 22-й гадзiне па беларускаму часу.

У саставе нашай каманды няма братоў Глебаў: Аляксандра не будзе па прычыне моцнай стомы, i фiзiчнай, i маральнай пасля фiналу Лiгi чэмпiёнаў, а Вячаслаў яшчэ не адышоў пасля пашкоджання нагi. Наогул галоўны трэнер Юрый Пунтус вызваў 19 iгракоў, сярод якiх восем гуляюць за расiйскiя клубы, шэсць — за беларускiя, чатыры — за ўкраiнскiя i адзiн — у iтальянскiм чэмпiянаце.

«Мiнералка» згубiла газ

Пасля перапынку аднавiўся чэмпiянат краiны па футболу. 22 мая прайшло пяць матчаў 6-га тура.

Першае паражэнне ў сезоне пацярпела ждановiцкая «Дарыда»: уступiла сталiчнаму «МТЗ-РIПА» — 0:1. У саставе трактаразаводцаў на 3-й хвiлiне вызначыўся Мамiч. Лiдарства захапiў «Гомель», якi перамог мiнскi «Лакаматыў» — 2:0 (Васiлюк, 30, 61 з пенальцi).

Паля двух пройгрышаў запар вiкторыю святкаваў дзеючы чэмпiён салiгорскi «Шахцёр»: каманда Юрыя Вяргейчыка выйграла ў гродзенскага «Нёмана» — 5:3 (Бяганскi, 21, 28, 39, Клiменка, 55, Ганчарык, 73, з пенальцi — Макар, 18, 77, 80). Вынiкi астатнiх сустрэч: «Белшына» (Бабруйск) — «Лакаматыў» (Вiцебск) — 0:1 (Вехцеў, 72), «Днепр» (Магiлёў) — БАТЭ (Барысаў) — 0:3 (Молаш, 16, Радзiвонаў, 55, Блiзнюк, 90+2).

Учора адбылiся сустрэчы памiж жодзiнскiм «Тарпеда» i сталiчным «Дынама», а таксама напаволацкiм «Нафтанам» i брэсцкiм «Дынама». Дарэчы, пасля адстаўкi галоўнага трэнера мiнскiх «бела-блакiтных» Аляксандра Рабаконя вядуцца перамовы з шэрагам кандыдатаў на яго пасаду. Пакуль жа абавязкi настаўнiка выконвае варатар Эдуард Тучынскi.

Мядзведзь устанавiў рэкорд

У Нацыянальным алiмпiйскiм камiтэце хутка з’явiцца музей алiмпiйскай славы. Днямi ў яго архiў свае ўзнагароды перадаў трохразовы алiмпiйскi чэмпiён, вiцэ-прэзiдэнт НАК РБ Аляксандр Мядзведзь.

Самыя значныя сярод iх — сярэбраны ордэн Мiжнароднага алiмпiйскага камiтэта (у Беларусi яго маюць толькi два чалавекi — акрамя Аляксандра Мядзведзя чатырохразовая алiмпiйская чэмпiёнка па фехтаванню Алена Бялова), факел, якiм у 1980-м быў запалены алiмпiйскi агонь на мiнскiм «Дынама», прыз «Fair play», якi беларускi багатыр атрымаў па iнiцыятыве ЮНЕСКО упершыню ў гiсторыi савецкага спорту. Дарэчы, яшчэ нiхто з атлетаў не аддаваў у музей такую вялiкую колькасць трафеяў.