Главная
Гороскопы
У беларускiм чэмпiянаце з’явiцца экстралiга
Iрына ПРЫМАК
Хакей Учора на выканкаме Федэрацыi хакея Беларусi яе кiраўнiк Уладзiмiр Навумаў паведамiў, што пакуль галоўным трэнерам нацыянальнай зборнай застаецца Глен Хэнлан. Аднак, як канкрэтна канадзец будзе ўдзельнiчаць у справах каманды, вызначыцца ў жнiўнi пасля канчатковых абмеркаванняў. Дапамагаць галоўнаму настаўнiку зноў будуць Эдуард Занкавец, якi кiруе «маладзёжкай», i Уладзiмiр Цыплакоў, галоўны трэнер юнацкай дружыны. Дарэчы, сваё майстэрства апошнi збiраецца палепшыць у Лос-Анджэлескай школе трэнераў.На выканкаме iшла гаворка i аб першынстве краiны па хакею. Ужо вядома, што ў наступным сезоне ў нас будзе пяць лiг: экстралiга (у ёй гуляюць прафесiйныя клубы, што раней выступалi ў вышэйшай лiзе), вышэйшая лiга (у ёй удзельнiчаюць фарм-клубы), юнiёрская, юнацкая i аматарская. Дарэчы, лiмiт легіянераў на матч у першых дзвюх лiгах не перавышае пяць чалавек. Як адзначыў Уладзiмiр Навумаў, скарачэнне колькасцi замежных iгракоў — тэндэнцыя сучаснага хакея. У 15-м чэмпiянаце Беларусi замест лiепайскага «Металургса» будзе жлобiнскi «Металург». Яшчэ пад пытаннем удзел кiеўскага «Сокала». Дзякуючы статусу першынства (ён з’яўляецца адкрытым), заяўку на выступленне ў iм даслала каманда з Даўгаўпiлса. Да каманд экстралiгi будуць прад’яўляцца высокiя патрабаваннi, сярод якiх абавязковая ўстаноўка на арэне сiстэмы «вiдэагол», наяўнасць прэс-аташэ клуба, спецыяльныя памяшканнi для суддзяў i брыгад, што абслугоўваюць матчы i г. д. Акрамя гэтага зменiцца час правядзення сустрэч у выхадныя i святочныя днi.
Чтобы разместить новость на сайте или в блоге скопируйте код:
На вашем ресурсе это будет выглядеть так
Учора на выканкаме Федэрацыi хакея Беларусi яе кiраўнiк Уладзiмiр Навумаў паведамiў, што пакуль галоўным трэнерам нацыянальнай зборнай застаецца Глен |
|