Барыс Грызлоў: «Пасяджэнне МПА ЕўрАзЭС праходзiць на фоне паглыблення iнтэграцыйных працэсаў»

Источник материала:

Адбылося пасяджэнне Бюро МПА ЕўрАзЭС. Адкрываючы яго, спiкер Дзярждумы Расii Барыс Грызлоў адзначыў, што яно праходзiць на фоне далейшага ўдасканалення i паглыблення iнтэграцыйных працэсаў у рэальным сектары эканомiкi краiн, што ўваходзяць у ЕўрАзЭС. Гiстарычным было названа далучэнне да гэтай арганiзацыi Узбекiстана (акрамя гэтай краiны, туды ўваходзяць Беларусь, Казахстан, Кыргызстан, Расiя i Таджыкiстан). У сувязi з гэтым было вырашана павялiчыць прадстаўнiцтва парламенцкiх дэлегацый у МПА ЕўрАзЭС, а новаму прадстаўнiку — узбекiстанскаму парламенту — выдзелiлi 16 месцаў. Уступленне новага члена выклiкала яшчэ адно змяненне. Так, было вырашана стварыць новую камiсiю, якую б узначальваў прадстаўнiк гэтай краiны (у МПА ЕўрАзЭС на адну краiну прыходзiцца па адной камiсii — па прававых пытаннях, па эканамiчнай палiтыцы, па мытнаму рэгуляванню i пагранiчнай палiтыцы, па гандлёвай палiтыцы i мiжнароднаму супрацоўнiцтву, па сацыяльнай палiтыцы). Шостая камiсiя, пад старшынствам парламента Узбекiстана, будзе спецыялiзавацца на аграпрамысловай палiтыцы, прыродакарыстаннi i экалогii.

Бюро МПА ЕўрАзЭС разгледзела праект Канцэпцыi ўзгодненай сацыяльнай палiтыкi дзяржаў — членаў ЕўрАзЭС. Яе мэта — каардынацыя накiрункаў сацыяльнага развiцця, вырашэнне актуальных сацыяльна-эканамiчных праблем, стварэнне метадалагiчнай асновы каардынацыi i iнтэграцыi, манiторынг рэалiзацыi сацыяльнай палiтыкi i прагназаванне наступстваў сацыяльных рэформаў. Таксама былi разгледжаны Прапановы па унiфiкацыi заканадаўчых актаў дзяржаў — членаў ЕўрАзЭС па пытаннях прызнання i эквiвалентнасцi дакументаў аб адукацыi, а таксама Палажэннi аб рабочай групе МПА ЕўрАзЭС па распрацоўцы праекта Асноў заканадаўства ЕўрАзЭС.

У другой палове дня адбылося сёмае пленарнае пасяджэнне МПА ЕўрАзЭС.