Наступны матч — у Дрэздэне

Источник материала:

Гульня была прымеркавана да маючага хутка адбыцца чэмпiянату свету па футболу ў Германii.

Гэтую сустрэчу ветэранаў-спартсменаў арганiзавалi пасольства ФРГ у Беларусi, футбольны клуб «Дынама» (Мiнск) i асацыяцыя «Беларуская федэрацыя футбола».

Тыя, хто прысутнiчаў на стадыёне, не былi расчараваныя гульнёй. У абедзвюх камандах гуляла шмат вядомых у нядаўнiм мiнулым футбалiстаў, сярод якiх гледачы ўбачылi чэмпiёнаў СССР i ГДР, пераможцаў еўрапейскiх кубкаў, Алiмпiйскiх гульняў.

У складзе беларускай каманды ветэранаў былi Юрый Курбыка, Андрэй Зыгмантовiч, Юрый Трухан, Вiктар Сокал, Людас Румбуцiс, Андрэй Шалiма i iншыя знакамiтыя футбалiсты. Нiхто не хацеў уступаць, i каманды ўпарта змагалiся, але сiлы былi роўныя i перамагла, як гаворыцца, дружба. З лiкам 3:3 каманды пакiнулi поле.

Пасля матча ва ўрачыстай абстаноўцы адбылося ўзнагароджванне ветэранаў футбола ганаровымi медалямi i сувенiрамi.

Было аб’яўлена, што наступны дынамаўскi матч адбудзецца ў Дрэздэне пасля чэмпiянату свету па футболу.

Пра неабходнасць гэтай сустрэчы гаварыў, у прыватнасцi, пасол ФРГ у Беларусi Марцiн Хекер. На яго погляд, падобныя гульнi i сустрэчы ўмацоўваюць сувязi памiж двума народамi, дазваляюць iм лепш разумець адзiн аднаго.