Нашаму надвор’ю пагражае «шалёная дзяўчынка»?

Источник материала:

Змiцер Клiмен, г. Магiлёў.

Як растлумачыла карэспандэнту «Звязды» галоўны сiноптык Рэспублiканскага гiдраметцэнтра Мiнпрыроды Вольга Фядотава, iх служба распрацоўвае з вялiкай дакладнасцю толькi не вельмi доўгатэрмiновыя прагнозы.

Паводле iнфармацыi, атрыманай Белгiдраметам ад расiйскiх калег, сярэднямесячная тэмпература паветра ў чэрвенi павiнна быць блiзкай да папярэднiх шматгадовых паказчыкаў i складзе прыкладна 15—17 градусаў. Колькасць ападкаў за гэты час таксама павiнна быць у межах сярэдняй клiматычнай нормы, якая адпавядае 69—83 мiлiметрам. Асобна трэба заўважыць, што такi халаднаваты i дажджлiвы пачатак чэрвеня ў сталiцы нашай дзяржавы апошнi раз назiраўся толькi ў 1975 годзе. Айчынныя сiноптыкi разлiчваюць на тое, што сапраўднае цяпло на тэрыторыю Беларусi завiтае ў другой палове чэрвеня. Па доўгатэрмiновых прагнозах беларускiх i расiйскiх спецыялiстаў, у лiпенi i жнiўнi тэмпература паветра павiнна быць ужо на некалькi градусаў вышэй клiматычнай нормы. Эксперты заўважаюць, што гэтыя «некалькi градусаў» сярэднямесячнай тэмпературы на практыцы адпавядаюць некалькiм тыдням надзвычайнай спякоты.

Што датычыцца «шалёнай дзяўчынкi», то паводле iнфармацыi, атрыманай рэдакцыяй з iнтэрнэтаўскiх крынiц прэс-службы Расгiдраметцэнтра, сапраўды сёлета ва ўсходняй частцы Цiхага акiяна нарадзiлася халоднае цячэнне Ла-Нiння (што ў перакладзе з iспанскай азначае «дзяўчынка»). Гэты антыпод цёплага Эль-Нiння («хлопчыка») традыцыйна прыносiць планеце шэраг клiматычных непрыемнасцяў. Сiнаптычныя анамалii «дзяўчынкi» ў выглядзе моцных ураганаў i актыўных працяглых цыклонаў робяць свае «набегi» галоўным чынам на тэрыторыю Аўстралii, у Акiянiю i на цэнтральную частку Амерыкi. Iстотнага ўплыву Ла-Нiннi на сярэднiя шыроты сёння навукоўцамi не зафiксавана. Таму намеснiк дырэктара гiдраметцэнтра Расii спадар Елiсееў раiць сваiм суайчыннiкам на гэты конт моцна не хвалявацца.

Наша суразмоўца Вольга Фядотава па гэтаму пытанню не такая катэгарычная. На яе думку, менавiта «шалёная дзяўчынка» можа зацягнуць у наш бок сухое i гарачае паветра з Афрыкi. Тады ў жнiўнi нас можа чакаць непрацяглае лакальнае надвор’е Сахары. Адразу заўважым, што гэтыя меркаваннi разглядаюцца толькi ў рамках тэарэтычных версiй. А пакуль сiноптыкi канстатуюць панiжаны для чэрвеня тэмпературны рэжым, калi тэмпература паветра да пачатку наступнага тыдня ўначы будзе не вышэй 4—10 градусаў цяпла, а ўдзень — 15—20 градусаў. I зноў месцамi па рэспублiцы будуць назiрацца сур’ёзныя дажджы.