Прэзiдэнт Рэспублiкi Беларусь Аляксандр Лукашэнка 19 чэрвеня прыняў з дакладам Прэм’ер-мiнiстра Сяр

Источник материала:

Кожнае мiнiстэрства i ведамства ў гэтым годзе ўпершыню распрацавала перспектыўныя планы развiцця падсправаздачных галiн на блiжэйшыя пяць гадоў. Акрамя пунктаў агульнага характару ўключаны канкрэтныя пытаннi iнвестыцыйнай i iнавацыйнай накiраванасцi. Да прыкладу, дакладна прапiсана, колькi i якiя новыя прадпрыемствы будуць пабудаваны ў нашай краiне.

Акрамя таго, прыняты неабходныя меры, каб кожнае прадпрыемства, незалежна ад формы ўласнасцi, склала свой бiзнэс-план развiцця на блiжэйшыя пяць гадоў.

З гэтага года плануецца ўвесцi суцэльную сертыфiкацыю беларускiх прадпрыемстваў. Перш за ўсё, будзе ўлiчвацца, цi адпавядае выпускаемая прадукцыя еўрапейскiм i сусветным стандартам.

Ва Урадзе вядзецца работа па вызначэнню перспектыў развiцця кожнага з 183-х населеных пунктаў Беларусi з колькасцю насельнiцтва да 50 тыс. чалавек. Тут будуць створаны зоны эканамiчнага развiцця, турыстычныя зоны, аграгарадкi. Плануецца таксама прадаставiць буйным прамысловым прадпрыемствам краiны падатковыя льготы на пэўны прамежак часу для таго, каб яны былi зацiкаўлены адкрыць у такiх гарадах свае даччыныя прадпрыемствы.

Прапрацоўваюцца падыходы да развiцця сярэдняга i малога прадпрымальнiцтва ў такiх гарадах i раёнах. У блiжэйшы час пасля ўзгаднення з мясцовымi органамi ўлады Урад унясе адпаведныя прапановы на разгляд Прэзiдэнту.

Асноўную работу па развiццю бiзнэс-асяроддзя ў населеных пунктах возьмуць на сябе абласныя, гарадскiя i раённыя выканаўчыя камiтэты. Як чакаецца, некалькi такiх «узорных» населеных пунктаў будзе створана ўжо сёлета.

Прэс-служба Прэзiдэнта Рэспублiкi Беларусь.