Хроніка апошніх падзей

Источник материала:

Да 2007 года палова насельнiцтва Зямлi будзе жыць у гарадах. Да 2030 года гэтая лiчба вырасце да 60 працэнтаў, а ў краiнах, якiя развiваюцца, — да 84 працэнтаў. Такiя звесткi прыводзяцца ў справаздачы Праграмы ААН па населеных пунктах. Штодзень колькасць гараджан павялiчваецца на 180 тысяч чалавек.

Хуткi рост колькасцi гарадскiх жыхароў будзе назiрацца ў найменш развiтых краiнах. У прамыслова-развiтых краiнах урбанiзацыя ў хуткiм часе збавiць тэмпы. Там колькасць гараджан у блiжэйшыя 25 гадоў вырасце ўсяго на 100 тысяч. Хуткiя тэмпы прыросту насельнiцтва ў краiнах, якiя развiваюцца, спрыяе некантралюемай урбанiзацыi, што вядзе да росту колькасцi людзей, якiя жывуць у трушчобах, i пашырэнню маштабаў галечы ў гарадскiх раёнах.

АЎСТРАЛIЙЦЫ З-ЗА ГРОШАЙ АДКЛАЛI РОДЫ I СМЕРЦЬ

У Аўстралii сотнi жанчын адклалi роды да моманту, калi ўрад пачаў выплачваць прэмiю за нараджэнне дзiцяцi, а мноства багацеяў пастаралiся памерцi крыху пазней, каб пазбегнуць падатку на спадчыну.

Паводле iнфармацыi даследчыкаў, нараджэнне больш за тысячу немаўлят было штучна адтэрмiнавана да паўночы 1 лiпеня 2004 года, калi пачала выплачвацца прэмiя ў памеры 3000 долараў за нараджэнне дзiцяці. Падобную тэндэнцыю чакаюць i ў наступныя два тыднi — з 1 лiпеня 2006 года прэмiя павялiчыцца да 4000 долараў.

Даследчыкi сур’ёзна занепакоены такой магчымасцю. У 2004 годзе большасць адкладзеных родаў прывялi да таго, што акушэрам давялося выкарыстоўваць кесарава сячэнне цi штучна стымуляваць роды. Паводле слоў тагачаснага мiнiстра аховы здароўя Кей Петарсан, яна не магла нават падумаць, што мацi падвергнуць сваiх дзяцей такой рызыцы. Бальнiцы рыхтуюцца да новага кашмару праз 11 дзён.

Калi аўстралiйскiя жанчыны адклалi нараджэнне дзяцей, каб атрымаць прэмiю ад урада, то багатыя людзi адтэрмiнавалi сваю смерць, каб не плацiць дзяржаве падатак на спадчыну ў памеры 28 працэнтаў. Падатак быў адменены ў 1979 годзе. Згодна са звесткамi статыстыкi, мноства багацеяў адцягнулi дату сваёй смерцi з чэрвеня на лiпень, магчыма з дапамогай медыцынскiх спосабаў падтрымання жыцця.

ВЫКРАДАЛЬНIКI РАСIЙСКIХ ДЫПЛАМАТАЎ ПАТРАБУЮЦЬ ВЫВАДУ ВОЙСКАЎ З ЧЭЧНI

Адна з iракскiх тэрарыстычных арганiзацый, звязаных з «Аль-Каедай», узяла на сябе адказнасць за арганiзацыю нападу на групу расiйскiх дыпламатаў, забойства аднаго з iх i выкраданне яшчэ чатырох. Iракскiя тэрарысты патрабуюць вывесцi войскi з Чэчнi.

IНДЫЙСКАЙ АРМII ДАЗВОЛЯЦЬ АДСТРЭЛЬВАЦЬ БРАКАНЬЕРАЎ

Парламент Iндыi мае намер дазволiць узброеным сiлам арыштоўваць браканьераў, якiя палююць на тыграў i леапардаў. У выпадку, калi злачынцы будуць аказваць супрацiўленне пры затрыманнi, салдаты атрымаюць права выкарыстаць зброю.

У ЗША ВЫШУКВАЮЦЬ ЎЛАДАЛЬНIКА ДЖЭК-ПОТА

Жыхар штата Аклахома выйграў у латарэю Powerball джэк-пот у 101,8 млн долараў, якi быў разыграны ў мiнулую суботу.

Аднак iмя шчаслiўчыка пакуль невядома. Арганiзатары заклiкаюць iгракоў яшчэ раз уважлiва праверыць бiлеты. Пераможца зможа атрымаць выйгрыш цi паступова ў выглядзе растэрмiнаваных выплат на працягу 29 гадоў, цi забраць усю суму адразу.