Супраць артрыту — з яблычным воцатам

Источник материала:

Доктар адкажа

А. К., Вiлейскi р-н.

Пры артрыце (полiартрыце), артрозе Iосiф Iосiфавiч дае наступныя рэкамендацыi.

Без абмежавання ўжываць баклажаны.

Адну сталовую лыжку лiсця бруснiц залiць адной шклянкай кiпеню, настойваць дзве гадзiны, працадзiць. Пiць па адной—дзве сталовыя лыжкi 5—6 разоў на дзень, лепш да яды.

Тры сталовыя лыжкi кветак бузiны чорнай залiць адным лiтрам кiпеню, настойваць у цёплым месцы адну гадзiну, працадзiць. Пiць па адной шклянцы цёплага настою 3—4 разы на дзень да яды. Можна дадаць мёд.

Адну сталовую лыжку кары вярбы плакучай залiць адной шклянкай кiпеню, настойваць 2 гадзiны, працадзiць. Пiць па адной-дзве сталовыя лыжкi 3—4 разы на дзень да яды, цi кожныя 2 гадзiны.

Кару, кветкi, радзей плады каштана звычайнага (конскага) у выглядзе настойкi прымаюць унутр i выкарыстоўваюць вонкава для ўцiрання ў хворыя месцы.

Настойка: 50 грамаў сыравiны настойваць 10 i больш дзён у 500 мiлiлiтрах гарэлкi цi 70-працэнтнага спiрту. Пiць па 30—40 кропель на адну сталовую лыжку цёплай гатаванай вады 3—4 разы на дзень да яды i выкарыстоўваць для расцiрання.

Тры—пяць сталовых лыжак карэнiшча пырнiка паўзучага настойваць 12 гадзiн ў адным лiтры цёплай гатаванай вады, працадзiць, дадаць па смаку мёд. Пiць па 0,5—1 шклянцы цёплага настою 3—5 разоў на дзень за гадзiну да яды.

Актываваны вугаль здрабнiць, змяшаць са здробненым семем iльну, разбавiць цёплай вадой да атрымання густой масы. Абмазваць хворыя месцы.

Адну—дзве сталовыя лыжкi яблычнага воцату змяшаць з адной шклянкай цёплай вады, дадаць 2—3 чайныя лыжкi мёду, добра размяшаць. Пiць па 3—5 разоў на дзень лепш да яды. Прымаць рэгулярна на працягу 3—4 тыдняў. Калi слiзiстая страўнiка не парушана (гастрыт, язва) i прыём не выклiкае боляў у вобласцi страўнiка, то дозу яблычнага воцату можна павялiчыць да 4—5 сталовых лыжак на шклянку вады.

Перад пачаткам лячэння пракансультуйцеся са спецыялiстам.