Калi б мужчыны розных краiн выносiлi смецце так, як гуляюць iх зборныя на чэмпiянаце свету па футбо

Источник материала:

Англiя. Выходзiць з вядром на вулiцу, сустракае суседа i iдзе з iм у бар пiць пiва. Вяртаецца ў гiпсе, без смецця i з новай прычоскай.

Аргенцiна. Выносiць не толькi сваё, але i суседскае смецце. Часам выпадкова можа выкiнуць старыя рэчы Коста-Рыкi.

Галандыя. Бярэ выключна аранжавае вядро, да таго ж напалову пустое. З iм i пераходзiць дарогу Сербii i Чарнагорыi.

Аўстралiя. Адкладвае вынас смецця да ночы, затое, вяртаючыся, акуратна выцiрае ногi аб палавiчок.

Францыя. Скiдвае абавязкi па вынасу смецця на Швейцарыю, а Швейцарыя пра такiя дробязi ўвесь час забывае.

ЗША. Баiцца выходзiць са смеццем адзiн, чакае спадарожнiкаў або сек’юрыцi.

Iталiя. Апранае шыкоўны вячэрнi ўбор, пахне дарагой парфумай, i нават смецце пакуе ў араматызаваныя пакеты.

Бразiлiя. Саромеючыся сваёй залiшняй вагi, хаваецца за дзяўчатамi з падтанцоўкi. Затое вулiцу ўпрыгожвае рознакаляровымi сцяжкамi, а кантэйнер размалёўвае вясёленькiмi графiцi. Дадому прыносiць фанцiкi.

Iспанiя. Дэманструе загарэлы торс, унушальныя бiцэпсы i новыя плаўкi. Смецце выносiць з задавальненнем i без анiякiх прэтэнзiй з боку санстанцыi.

Японiя. Блытаючыся ў шырокiх рукавах кiмано, умудраецца прасыпаць усё смецце куды заўгодна, толькi не ў кантэйнер. Калi разумее, што гэта заўважылi суседзi, робiць харакiры.

Эквадор. Пераехаў у хмарачос, так што смецце зараз выносiць са свiстам. Часам нават проста з даху.

Чэхiя. Не прымушае сябе прасiць, хутка бярэ i выносiць.

Украiна. Нядаўна ўсталяваў смеццеправод, але карыстацца так i не навучыўся. Абяцае набыць iнструкцыю.

Партугалiя. Выносiць толькi бутэлькi, затое з зайздроснай рэгулярнасцю.

Мексiка. Бярэ смецце, але з паўдарогi вяртаецца, каб забраць яшчэ два пакеты.

Iран. Жыве за глухiм плотам, так што нiхто не бачыць, калi, куды i колькi смецця выносiць. Але яшчэ нiхто не скардзiўся.

Ангола, Гана, Тога, Кот д’Iвуар. Выносяць смецце ўпершыню ў жыццi, таму вельмi стараюцца, але вынiкi прадказаць цяжка.

Саудаўская Аравiя. Лiчыць, што выносiць смецце — гэта не мужчынскi занятак. Таму на ўсякi выпадак апранае паранджу, маскiруючыся пад жанчыну.

Польшча. На дробязi не разменьваецца, так што адразу сядае за руль смеццявоза. Праўда, праз 3 метры матор глухне, аднак мiсiя лiчыцца выкананай.

Расiя. Што казаць, калi дагэтуль не вынес ёлку! Усё, аб што не спатыкаецца, смеццем не лiчыць.

Беларусь. Выносiць смецце з хаты пакуль што не рызыкуе. Калi ўжо вельмi дастануць, скiдвае цiшком у чужое вядро.