За адзiн крок...

Источник материала:

Футбол. Чэмпiянат свету

Падначаленыя Марчэла Лiпi справiлiся з самiмi гаспадарамi турнiру (2:0). Дарэчы, абедзве зборныя тройчы станавiлiся мацнейшымi на мундзiялях, таму паўфiнальны матч з iх удзелам можна параўнаць з сапраўднай барацьбой футбольных гiгантаў. У процiстаяннi грандаў справа ледзь не дайшла да пасляматчавых пенальцi, але на перадапошняй i апошняй хвiлiнах экстра-тайма (дабаўленага часу гульнi) Фабiа Гроса i Алясандра Дэль П’ера вывелi сваю дружыну наперад. Галкiпер iтальянцаў Джанлуiджы Буфон пасля сустрэчы з радасцю ўзгадаў, што думаў аб адзiнаццацiметровых яшчэ за 20 хвiлiн да заканчэння гульнi, але, на шчасце, iх удалося пазбегнуць. Таксама ён дадаў: «У Iталii нам даводзiцца клапацiцца аб занадта негатыўных рэчах, таму самае галоўнае зараз — адпачыць i святкаваць перамогу». Варатар меў на ўвазе турботы, звязаныя са скандалам у iтальянскiм чэмпiянаце, да якога мае дачыненне i яго «Ювентус». Турынскi клуб могуць перавесцi ў нiжэйшы дывiзiён. Ходзяць чуткі, што Буфонам зацiкавiўся лонданскi «Арсенал», а значыць, у першым паўфiнале змагалiся патэнцыяльныя аднаклубнiкi, бо вароты англiчан ахоўвае варатар нямецкай зборнай Йенс Леман. Аднак не будзем забягаць наперад. Такiм чынам, немцы зараз знаходзяцца толькi ў статусе гаспадароў. Германii не ўдалося заваяваць ганаровы тытул i паўтарыць поспех на родных стадыёнах 1974 года. Гэта футбол, гульня, удача...

Весткi з мундзiяля

 Галоўны трэнер нямецкай каманды Юрген Клiнсман хутчэй за ўсё ўзначалiць зборную ЗША, бо яго кандыдатура прыйшлася даспадобы Амерыканскай футбольнай федэрацыi. I не дзiва: жонка Клiнсмана — амерыканка, ён жыве ў Калiфорнii i валодае англiйскай мовай. Цiкава, што паслугi новага настаўнiка ацанiлi ў тры разы больш, чым цяперашняга коўча Бруса Арэны.

 У час чэмпiянату па футболу iншым разам лепш не бiць па мячу. Асаблiва, калi знаходзiш яго выпадкова. Днямi некалькi «бамбардзiраў» траўмавалi ногi ў нямецкай сталiцы пасля таго, як ударылi па спартыўных снарадах з надпiсам «зрабi пас». Мячы аказалiся бетоннымi. Зламыснiкаў, якiя раскiдалi такiя снарады на вулiцах Берлiна, зараз шукае палiцыя.

 Капiтан англiйскай зборнай Дэвiд Бэкхэм не перастае здзiўляць. На гэты раз не новай прычоскай цi дыетай, а рыцарскiм званнем, якое яму неўзабаве дадуць. Акрамя гэтага, паўабаронца плануе дагуляць у iспанскiм «Рэале» два сезоны i перайсцi ў адзiн з амерыканскiх клубаў.

 Раберта Карлас, удзельнiк трох чэмпiянатаў свету, пераможца першынства-2002, Кубка Амерыкi (1997, 1999) i Кубка канфедэрацый (1997) аб’явiў аб заканчэннi сваёй кар’еры за нацыянальную зборную Бразiлii.