Хроніка апошніх падзей

Источник материала:

Кiраўнiк украiнскага парламента Аляксандр Мароз учора на пленарным пасяджэннi Вярхоўнай Рады афiцыйна аб’явiў аб распадзе «аранжавай каалiцыi» i стварэннi новай большасцi з Партыi рэгiёнаў, камунiстаў i сацыялiстаў — так званай «Антыкрызiснай каалiцыi». Лiдар Партыi рэгiёнаў Вiктар Януковiч вылучаны кандыдатам на пасаду прэм’ер-мiнiстра Украiны.

Паводле слоў Мароза, усяго ў новую каалiцыю ўвайшло 238 дэпутатаў. Iх заявы прыкладаюцца да каалiцыйнага пагаднення.

Некалькi тысяч чалавек прыйшлi ў аўторак да будынка парламента Украiны, каб падтрымаць «Антыкрызiсную каалiцыю». Над велiзарным натоўпам былi разгорнуты блакiтныя сцягi Партыi рэгiёнаў. Удзельнiкi мiтынгу запатрабавалi ад прэзiдэнта як гаранта Канстытуцыi спынiць канфрантацыю i асудзiлi тых, хто заклiкае да роспуску Вярхоўнай Рады. Удзельнiкi акцыi трымалi транспаранты з надпiсамi: «Украiна — не толькi майдан», «Януковiч — народны прэм’ер», «Вiктары — аб’яднайце Украiну», «Юля — уцiхамiрся».

Тым часам сама Цiмашэнка заявiла, што яе блок будзе рыхтавацца да датэрмiновых выбараў у парламент, на якiя пойдзе разам з «Нашай Украiнай». Мiж тым, такога сцэнарыя не апасаецца i Януковiч. Паводле яго слоў, у выпадку роспуску парламента Партыя рэгiёнаў атрымае «канчатковую перамогу на датэрмiновых выбарах, каб скончыць увесь гэты кашмар».

З Кiргiзii высланы два амерыканскiя дыпламаты

Два супрацоўнiкi пасольства ЗША былi высланы з тэрыторыi Кiргiзii «за грубае ўмяшанне ва ўнутраныя справы суверэннай Кыргызскай Рэспублiкi». Пра гэта ўчора паведамiлi кiргiзскiя СМI са спасылкай на крынiцу ў Службе нацыянальнай бяспекi рэспублiкi.

Пасольства ЗША ў Кiргiзii афiцыйна пацвердзiла факт высылкi з рэспублiкi двух сваiх супрацоўнiкаў. Як вынiкае са спецыяльнай заявы пасольства ЗША для прэсы, амерыканскiя дыпламаты абвiнавачваюцца кiргiзскiмi ўладамi «ў недарэчных кантактах з лiдарамi няўрадавых арганiзацый».

Кiргiзскiя СМI таксама паведамляюць, што 12 лiпеня ў Бiшкеку павiнны былi аднавiцца двухбаковыя кiргiзска-амерыканскiя перамовы аб умовах знаходжання на тэрыторыi краiны авiябазы мiжнароднай антытэрарыстычнай каалiцыi, аднак з-за iнцыдэнту з высылкай дыпламатаў перамовы могуць не адбыцца.

ЗША чакаюць смерцi Кастра, каб дэмакратызаваць Кубу

Прэзiдэнт ЗША Джордж Буш заявiў, што Белы дом плануе выдаткаваць 80 мiльёнаў долараў у першыя два гады пасля смерцi Фiдэля Кастра, «каб забяспечыць устанаўленне дэмакратыi на Кубе».

Камiсiя па аказанню дапамогi вольнай Кубе, сустаршынямi якой з’яўляюцца дзяржсакратар ЗША Кандалiза Райс i мiнiстр гандлю Карлас Гуцьерас, рэкамендавала ўраду ЗША не пазней чым праз два тыднi пасля смерцi Фiдэля Кастра пачаць аказваць шырокамаштабную гуманiтарную дапамогу Кубе i накiраваць туды падрыхтаваных у ЗША суддзяў, супрацоўнiкаў палiцыi i экспертаў, якiя павiнны забяспечыць правядзенне «свабодных выбараў». Пры выкананнi ўсiх гэтых умоў праз 180 дзён пасля смерцi Кастра на Кубе да ўлады павiнен прыйсцi «дэмакратычны ўрад».