Главная
Гороскопы
Нарэшце!
Таццяна ЛОБАС, БЕЛТА
У мiнулыя выхадныя днi на большай частцы тэрыторыi Беларусi прайшлi iнтэнсiўныя дажджы. Месцамi выпала 50—75 працэнтаў месячнай нормы ападкаў, а ў Клiчаве Магiлёўскай вобласцi за два днi выпала амаль 100 мм ападкаў, што перавысiла месячную норму на 16 працэнтаў. Аб гэтым расказала карэспандэнту БЕЛТА начальнiк аддзела аграметэарала-гiчнай службы Рэспублiканскага гiдраметцэнтра Надзея Мельчакова.
У першай палове гэтага тыдня на Беларусь будзе распаўсюджвацца халаднаватае паветра са Скандынаўскага паўвострава. Паводле слоў галоўнага сіноптыка Рэспубліканскага гідраметцэнтра Вольгi Фядотавай, 18 лiпеня ўдзень месцамi пройдуць кароткачасовыя дажджы з навальнiцамi. Тэмпература паветра складзе 17—23 градусы вышэй нуля. I толькi ў Брэсцкай вобласцi паветра прагрэецца да 26 градусаў. У сераду, 19 лiпеня, непрацяглыя дажджы чакаюцца ў асобных раёнах Вiцебскай, Магiлёўскай i Гомельскай абласцей. Тэмпературны фон iстотна не зменiцца. У чацвер, 20 лiпеня, у вобласцi павышанага цiску будзе без ападкаў. Ноччу халаднавата — ад 8 да 13 градусаў вышэй нуля, а ўдзень паветра прагрэецца да 20—25 градусаў. У пятнiцу дажджы чакаюцца толькi ў паўночных раёнах рэспублiкi. Атмасферны фронт, якi перамяшчаецца з Заходняй Еўропы, абумовiць у выхадныя днi навальнiчныя дажджы. Удзень тэмпература паветра будзе ў межах 19—25 градусаў цяпла, а на паўднёвым захадзе можа павысiцца да плюс 26—29 градусаў. Паводле папярэднiх даных, напрыканцы гэтага месяца характар надвор’я чакаецца няўстойлiвы. Часам пройдуць дажджы. Тэмпературны фон будзе вагацца ад 19 да 25 градусаў вышэй нуля. У найбольш цёплыя днi паветра можа прагравацца да 23—28 градусаў.
Чтобы разместить новость на сайте или в блоге скопируйте код:
На вашем ресурсе это будет выглядеть так
У першай палове гэтага тыдня на Беларусь будзе распаўсюджвацца халаднаватае паветра са Скандынаўскага паўвострава
|
|