Усё пра льготы ветэранам працы

Источник материала:

Таццяна Дайнека, Акцябрскi раён

Як патлумачылi карэспандэнту «Звязды» ў Мiнiстэрстве працы i сацыяльнай абароны, па-першае, трэба мець на ўвазе, што нiякiх адрозненняў па льготах памiж вясковымi i гарадскiмi пенсiянерамi практычна няма. А па-другое, само права на льготы маюць не ўсе пенсiянеры, а толькi ветэраны працы. Iнакш кажучы, мужчыны з не менш чым 30-гадовым i жанчыны з не менш чым 25-гадовым працоўным стажам, якiя да таго ж дасягнулi агульнаўсталяванага пенсiйнага ўзросту.

Такiм чынам, iльготы для ветэранаў вызначаны такiя. Па-першае, гэта права на пазачарговае ўступленне ў арганiзацыi грамадзян-забудоўшчыкаў, гаражныя, дачныя кааператывы, садаводчыя таварыствы. Па-другое, магчымасць першачарговай устаноўкi кватэрнага тэлефона. Па-трэцяе, карыстанне пры выхадзе на пенсiю палiклiнiкамi, да якiх было замацаванне ў перыяд работы цi службы, а таксама бясплатнае атрыманне медыцынскай дапамогi ў дзяржаўных лячэбна-прафiлактычных установах. Чацвёртае. Пры дасягненнi ветэранам працы 70-гадовага ўзросту прадастаўляецца 50-працэнтная скiдка з кошту лекаў, якiя набываюцца па рэцэптах урачоў, у парадку i на ўмовах, вызначаных урадам Беларусi. Пятая льгота — бясплатны выраб i рамонт зубных пратэзаў (за выключэннем зубных пратэзаў з каштоўных металаў, фарфору i металакерамiкi) у дзяржаўных лячэбна-прафiлактычных установах па месцы жыхарства, бясплатнае забеспячэнне ў вызначаным парадку iншымi пратэзамi i пратэзна-артапедычнымi вырабамi, а таксама (пры адпаведных медыцынскiх паказаннях) забеспячэнне бясплатна цi на ўмовах iльготнай аплаты тэхнiчнымi сродкамi сацыяльнай рэабiлiтацыi на ўмовах, прадугледжаных заканадаўствам.

Шостае. Зноў-такi пры наяўнасцi медыцынскiх паказанняў робiцца забеспячэнне пуцёўкамi ў санаторыi, прафiлакторыi i дамы адпачынку. Парадак i ўмовы прадастаўлення пуцёвак вызначаюцца заканадаўствам. Пры гэтым працуючым ветэранам у дадзеным выпадку трэба звяртацца па месцы працы, а непрацуючым — па месцы атрымання пенсii. Сёмае. Ветэранам прадастаўляецца 50-працэнтная скiдка па аплаце праезду на ўсiх вiдах гарадскога пасажырскага транспарту за выключэннем таксi. I восьмае. Ветэраны працы могуць карыстацца 50-працэнтнай скiдкай па аплаце праезду на чыгуначным, аўтамабiльным i водным транспарце прыгарадных зносiнаў, а ветэраны, якiя пражываюць у сельскай мясцовасцi, — таксама 50-працэнтнай скiдкай па праезду ў мiжгароднiх аўтобусах у межах свайго адмiнiстрацыйнага раёна.