Упершыню ў Беларусi праводзiцца «Кiрмаш рамёстваў» для маладых iнвалiдаў

Источник материала:

Паводле яе слоў, удзельнiкамi кiрмашу стануць падлеткi i маладыя людзi з разумовымi i фiзiчнымi абмежаваннямi з 12 гарадоў Беларусi (Баранавiчы, Калiнкавiчы, Асiповiчы, Жлобiн, Магiлёў, Жодзiна, Вiлейка, Лунiнец, Барань, Слаўгарад, Маладзечна i Мiнск). У гэтых гарадах па iнiцыятыве ГА «БелАДДIiМI» створаны працоўныя майстэрнi для людзей з абмежаванымi магчымасцямi. Прычым як на базе аддзяленняў дзённага знаходжання тэрытарыяльных цэнтраў сацыяльнага абслугоўвання насельнiцтва, так i на базе арганiзацый БелАДДIiМI. «У гэтых майстэрнях iнвалiды, якiя па стану здароўя не могуць быць працаўладкаваны на звычайных прадпрыемствах, атрымлiваюць розныя працоўныя навыкi», — сказала Марыя Сiнякевiч.

На «Кiрмаш рамёстваў» маладыя людзi прывязуць свае вырабы. Людзям з абмежаваннямi даецца магчымасць абмяняцца вопытам, набыць новыя веды i ўменнi. Сваё майстэрства яны змогуць удасканалiць на занятках у майстар-класах па бiсера- i лозапляценню, вышыванню, палiграфii i г.д. Пройдуць трэнiнгi па асобаснаму росту.

Мэта кiрмашу — дапамога ў iнтэграцыi iнвалiдаў у грамадства, павышэнне iх самастойнасцi i незалежнасцi праз пасiльную працу, падкрэслiла субяседнiца.

У дзень завяршэння кiрмашу адбудзецца круглы стол на тэму «Аддзяленнi дзённага знаходжання i працоўныя майстэрнi — перспектыва незалежнага жыцця людзей з асаблiвасцямi ў развiццi». У iм прымуць удзел прадстаўнiкi мiнiстэрстваў адукацыi, аховы здароўя, працы i сацыяльнай абароны Беларусi.

Марыя Сiнякевiч адзначыла, што кiрмаш праводзiцца ў рамках праекта, якi фiнансуецца ўрадам Германii. Ён уключае арганiзацыю майстэрняў, забеспячэнне iх абсталяваннем, правядзенне навучальных семiнараў i г.д. Аб’ём фiнансавання праекта «Я — дарослы!» на 2005—2006 гады складае каля 30 тыс. еўра.