Актывiсты БРСМ вучацца

Источник материала:

Ініцыятыва маладых

Каля 100 самых iнiцыятыўных лiдараў з усiх рэгiёнаў Прыдзвiння на працягу некалькiх тыдняў у лагеры «Лясная паляна» будуць абменьвацца вопытам, удзельнiчаць у ролевых гульнях, самых розных трэнiнгах.

Потым у сваiх пярвiчках яны змогуць укараняць вопыт, якi атрымаюць ад калег i старэйшых таварышаў.

Конкурсы сярод маладых экiпажаў

У раёнах Вiцебшчыны праводзяцца конкурсы сярод маладых экiпажаў, якiя занятыя на адвозцы збожжа новага ўраджаю.

Акцыю арганiзавалi аддзелы па справах моладзi райвыканкамаў сумесна з раённымi арганiзацыямi БРСМ пры падтрымцы структур па сельскай гаспадарцы i харчаванню. Пераможцы атрымаюць спецыяльныя прэмii i каштоўныя прызы.

Валанцёрскi лагер «Дзвiна»

На Верхнядзвiншчыне адкрыўся валанцёрскi лагер «Дзвiна».

25 валанцёраў збiраюць металалом, займаюцца добраўпарадкаваннем, аказваюць шэфскую дапамогу ветэранам Вялiкай Айчыннай вайны, прыводзяць у парадак воiнскiя могiлкi. «Дзвiна» закрыецца напрыканцы лета.

Самая спартыўная мама

У Дубровенскiм раёне пачаўся конкурс «Самыя спартыўныя», якi з’яўляецца часткай праекта «Маладая мама».

Апошнiя разам з мужамi i дзецьмi ўдзельнiчаюць у камбiнаваных эстафетах, iншых спаборнiцтвах. Раней праводзiўся конкурс «вiзiтных картак» i iншыя. Наперадзе новыя выпрабаваннi.

Аляксандр ПУКШАНСКI.