Дажджы пазбавiлi вiцябчан дома!

Источник материала:

Як паведамiлi рэпарцёру «Звязды» спецыялiсты жыллёва-камунальнай гаспадаркi вiцебскага гарвыканкама, гэты дом — двухпад’ездны, 76-кватэрны, ярусны ў 8, 12 i 15 паверхаў. Па даным прэс-службы УУС Вiцебскага аблвыканкама, ахвяр i параненых у вынiку надзвычайнага здарэння няма. На месцы здарэння працуюць спецыяльныя камiсii: па надзвычайных сiтуацыях аблвыканкама, якую ўзначальвае намеснiк старшынi аблвыканкама Вiктар Пятруша, а таксама гарвыканкама пад кiраўнiцтвам першага намеснiка старшынi Вiктара Нiкалайкiна i эксперты ўпраўленняў МНС, Камiтэта дзяржаўнай бяспекi, УУС, аварыйныя службы. Аператыўна былi праведзены ўсе неабходныя мерапрыемствы па эвакуацыi жыхароў з адной секцыi гэтага «шматяруснага» дома, якая блiжэй да яру: былi зарэзерваваныя месцы ў гатэлях «Лучоса» i «Ветразь», 13 жыльцоў, па асабiстаму жаданню, размешчаны ў гасцiнiцы «Вiцебск». Яшчэ 80 былi перавезены да сваякоў.

Як паведамляе прэс-служба ўпраўлення МНС, у лiквiдацыi вынiкаў надзвычайнага здарэння ўдзельнiчаюць лепшыя спецыялiсты, якiя працуюць на аўтакране, аўтамабiльных цыстэрнах, аўтамабiлях аператыўнага рэагавання, выкарыстоўваюцца 40 адзiнак iнжынернай тэхнiкi. 15 розных арганiзацый горада прадставiлi больш як 50 самазвалаў, 4 экскаватары, 2 бульдозеры. На аб’екце працуюць брыгады «Вiцебскэнерга», «Вiцебскаблгаза», «Вiцебскiх электрасетак», «Вiцебскводаканала». Арганiзавана дзяжурства брыгады «хуткай дапамогi». За грамадскiм парадкам i дарожнай бяспекай сочыць мiлiцыя.