Самымi распаўсюджанымi злачынствамi ў стратэгiчнай галiне эканомiкi застаюцца хабарнiцтва i злоўжыв

Источник материала:

Як паведамiлi «Звяздзе» ў рэспублiканскай Пракуратуры, кiраўнiцтвам Мiнпрама прымаюцца пэўныя меры па недапушчэнню карупцыi, лiквiдацыi ўмоў для яе ўзнiкнення. Але гэтых высiлкаў яшчэ недастаткова для поўнага выкаранення карупцыi. Найбольш распаўсюджанымi злачынствамi ў гэтай стратэгiчнай галiне эканомiкi застаюцца хабарнiцтва i злоўжыванне службовымi паўнамоцтвамi. Усяго ж за першую палову гэтага года выяўлена 68 злачынстваў карупцыйнага кшталту. Напрыклад, пракуратурай узбуджана крымiнальная справа супраць кiраўнiка аднаго з прамысловых прадпрыемстваў, якi здзейснiў крадзеж шляхам злоўжывання сваiмi паўнамоцтвамi. Аналагiчнае злачынства здзейснiў i былы кiраўнiк адкрытага акцыянернага таварыства. Зараз праводзiцца расследаванне абедзвюх крымiнальных спраў. Увогуле, пракуроры лiчаць, што Мiнпрам павiнен больш актыўна абараняць дзяржаўныя iнтарэсы i папярэджваць праявы карупцыi пры ажыццяўленнi кантролю за дзейнасцю акцыянерных таварыстваў, у якiх значная доля належыць дзяржаве.

Па вынiках праверкi Генеральным пракурорам Пятром Мiклашэвiчам накiравана прадстаўленне мiнiстру прамысловасцi аб лiквiдацыi выяўленых парушэнняў i недапушчэння iх у далейшым.