Спадчына на дом

Источник материала:

Мая бабуля завяшчала дом i iншую маёмасць сыну i дачцэ ў роўных долях. Нядаўна яна памерла, а мой бацька не паспеў прыняць спадчыну па прычыне цяжкай хваробы. Яшчэ перад бабулiнай смерцю ён трапiў у бальнiцу з iнсультам i праз месяц пасля яе таксама памёр. Калi мы звярнулiся да натарыуса, то яна растлумачыла, што пасведчанне аб праве на спадчыну выдаецца пасля шасцi месяцаў пасля смерцi бабулi, але я не маю права на атрыманне долi бацькi ў спадчыне, яна аўтаматычна пяройдзе яго сястры. Цi так гэта?

Н.Р., Мiнскi раён.

Аднак у вашым выпадку неабходна кiравацца не гэтым артыкулам, а артыкулам 1073 Грамадзянскага кодэкса, якiм прадугледжваецца пераход права на прыняцце спадчыны (спадчынная трансмiсiя). Артыкулам устаноўлена, што калi спадчыннiк, якi быў прызваны да атрымання спадчыны па завяшчанню або па закону, памёр пасля адкрыцця спадчыны (г.зн. смерцi спадчынадаўцы) i не паспеў яе прыняць, права на прыняцце яго часткi спадчыны пераходзiць да яго спадчыннiкаў. Ажыццявiць гэта права спадчыннiкi могуць на працягу астатка тэрмiну для прыняцця спадчыны. Тэрмiн для прыняцця спадчыны згодна з арт. 1071 складае шэсць месяцаў з дня адкрыцця спадчыны (смерцi спадчынадаўцы). Калi астатак тэрмiну меншы, чым тры месяцы, то ён падаўжаецца да трох месяцаў. У вашым выпадку тэрмiн не падаўжаецца, паколькi бацька памёр праз месяц пасля смерцi бабулi i астатак тэрмiну складае пяць месяцаў.

Магчыма, у размове з натарыусам вы не дастаткова поўна растлумачылi ўсе абставiны. Вам патрэбна звярнуцца ў натарыят яшчэ раз i спаслацца на артыкул 1073 Грамадзянскага кодэкса РБ. Адначасова паведамляю, што згодна з заканадаўствам, вы маеце права абскардзiць натарыяльнае дзеянне або адмову ў яго здзяйсненнi ў судовым парадку.