У Беларусi з 1 студзеня грамадзяне будуць аплачваць санаторна-курортнае лячэнне ў залежнасцi ад дах

Источник материала:

Такi падыход дае магчымасць забяспечыць сацыяльную абарону, перш за ўсё, малазабяспечаных грамадзян. Памер платы за пуцёўку будзе вызначацца адносiнамi памеру грашовага даходу атрымальнiка пуцёўкi да налiчанай сярэднямесячнай заработнай платы. Напрыклад, пры даходзе да Br306 тыс. грамадзянiн будзе плацiць 15 працэнтаў кошту пуцёўкi ў перыяд з 1 лiстапада па 30 красавiка i 20 працэнтаў — у перыяд з 1 мая па 31 кастрычнiка, а пры даходзе звыш Br3062 тыс. — 100 працэнтаў. Адпаведная шкала платы за пуцёўку ў залежнасцi ад даходаў зацверджана ўказам. Ільготы на санаторна-курортнае лячэнне i аздараўленне будуць атрымлiваць толькi тыя катэгорыi грамадзян, якiя сапраўды ў iх маюць патрэбу па стану здароўя, а не з-за iх статусу, адзначылi ў прэс-службе. Указам адмяняецца грашовая кампенсацыя за нявыкарыстаную санаторна-курортную пуцёўку i ўстанаўлiваецца грашовая дапамога на аздараўленне. Права на атрыманне такой дапамогi ў памеры 10 базавых велiчыць (на сённяшнi дзень гэта Br310 тыс.) будуць мець Героi Беларусi, Героi Савецкага Саюза, Героi Сацыялiстычнай Працы, поўныя кавалеры ордэнаў Айчыны, Славы, Працоўнай Славы, iнвалiды i ўдзельнiкi Вялiкай Айчыннай вайны, а таксама асобы, прыраўнаваныя да iх. Па жаданню гэтых асоб замест грашовай дапамогi iм можа прадастаўляцца пазачарговая бясплатная пуцёўка на санаторна-курортнае лячэнне. Сродкi, што вызваляюцца ў сувязi з упарадкаваннем iльгот на санаторна-курортнае лячэнне i аздараўленне насельнiцтва, будуць накiраваны на фiнансаванне мерапрыемстваў прэзiдэнцкай праграмы «Дзецi Беларусi» на 2006—2010 гады, а таксама iншыя дзяржаўныя праграмы ў сферы аховы мацярынства i дзяцiнства. Указ уступае ў сiлу з 1 студзеня 2007 года.

Прэс-служба Прэзiдэнта Рэспублiкi Беларусь.