I перамога, i вопыт

Источник материала:

Спорт-тайм

Замест трэнiровак на дыскатэку

Не ўсе футбалiсты нацыянальнай зборнай Харватыi рыхтуюцца да матча адборачнага цыкла чэмпiянату Еўропы-2008 супраць Расii, якi пройдзе ў Маскве 6 верасня. Так, нападаючы маскоўскага ЦСКА Iвiца Олiч, паўабаронца данецкага «Шахцёра» Дарыо Срну i форвард бельгiйскага «Бруге» Бошка Балабан адлiчаны з каманды з-за паходу на дыскатэку. Iгракоў у ноч з суботы на нядзелю заўважылi ў начным заграбскiм клубе «Фантанка». Дарэчы, гэта самае вялiкае парушэнне дысцыплiны ў зборнай Харватыi з 1991 года, калi краiна стала незалежнай.

Цiкава, што гэта не адзiны выпадак парушэння рэжыму iгракамi зборнай напярэдаднi адборачнага матча.Так, тры iгракi асноўнага саставу шведскай каманды адлiчаны за парушэнне спартыўнага рэжыму напярэдаднi другога адборачнага матча да Еўра-2008 з Лiхтэнштэйнам: Златан Iбрагiмавiч, Олаф Мельберг i Крысцiян Вiльхельмсан вярнулiся на базу ў 01.15, спазнiўшыся на агульны збор больш чым на дзве гадзiны.

Футбалiста выкралi зладзеi

У прыгарадзе Багдада быў украдзены 22-гадовы футбалiст Ганiм Гудайер, якi лiчыцца адным з самых лепшых у сваiм клубе, што прадстаўляе ВПС Iрака. На iграка напалi, калi ён iшоў на трэнiроўку клуба.

З трэнерскага мосцiка «нацыяналкi» — у першую лiгу?

Экс-трэнер нацыянальнай зборнай Анатоль Байдачны можа ўзначалiць клуб першай расiйскай лiгi «Салют-Энергiя» (Белгарад). Аднак такое назначэнне магчыма толькi ў канцы сезона, ды i ў коўча ёсць канкурэнт — таксама экс-настаўнiк «нацыяналкi», праўда расiйскай, Юрый Сёмiн. Нагадаем, што галоўны настаўнiк каманды Аляксандр Карашкоў напiсаў заяву аб сваёй адстаўцы пасля разгромнага паражэння «Салют-Энергii» ў 31-м туры ад аўтсайдара — краснаярскага «Металурга» (0:4).

Македонiя можа прайграць з-за балельшчыкаў

Нават, калi Македонiя выйграе адборачны матч да Еўра-2008 супраць Англii ў Скоп’е, УЕФА пагражае залiчыць гаспадарам паражэнне 0:3. Праўда толькi ў выпадку паўтарэння iнцыдэнту трохгадовай даўнiны: у адборачным цыкле-2004 мясцовыя балельшчыкi спалiлi англiйскi сцяг на трыбуне стадыёна, а матч суправаджаўся расiсцкiмi выкрыкамi ў адрас цёмнаскурых iгракоў зборнай Англii.

Галас канфлiктуе з кiраўнiцтвам «Чэлсi»

«Чэлсi» паведамiла новыя падрабязнасцi канфлiкту клуба з французскiм абаронцам Вiльямам Галасам, якога абмянялi ў «Арсенал» на Эшлi Коўла: Галас быццам бы пагражаў забiваць аўтагалы ў вароты клуба Рамана Абрамовiча, калi яго зарплату не павысяць у тры разы. Сам iгрок сцвярджае: «Я правёў за «Чэлсi» пяць гадоў i заўжды даказваў павагу да клуба, таму нiколi не мог сказаць, што буду забiваць мяч у свае вароты. Паводзiны кiраўнiцтва мяне не здзiвiлi, бо iм не хапае такту».