Беларусь i Расiя: максiмум актывiзаваць эканамiчнае супрацоўнiцтва

Источник материала:

Бакi дамовiлiся прадоўжыць паступальную работу па гэтых напрамках. Гэтыя i iншыя пытаннi былi прадметам дэталёвага абмеркавання на сустрэчы прэм’ер-мiнiстра Беларусi Сяргея Сiдорскага i старшынi ўрада Расii Мiхаiла Фрадкова.

Сяргей Сiдорскi лiчыць, што расiйскаму боку неабходна паскорыць правядзенне ўнутрыдзяржаўных працэдур па прыняццю пакета дакументаў для забеспячэння роўных правоў грамадзян Саюзнай дзяржавы і завяршыць гэтую пра-цэдуру ў гэтым годзе.

Акрамя таго, прэм’ер-мiнiстр Беларусi падкрэслiў важнасць паскарэння працэдуры падрыхтоўкi бюджэту Саюзнай дзяржавы на 2007 год. На яго думку, замаруджванне выклiча збоi ў фiнансаваннi саюзных праграм.

У цэлым ён падкрэслiў, што ўсе пытаннi ў парадку дня трэцяга пасяджэння Савета Мiнiстраў Саюзнай дзяржавы разгледжаны i беларускi бок задаволены тым, як развiваюцца адносiны.

Беларусь i Расiя не маюць намеру зацягваць вырашэнне газавых пытанняў, паведамiў старшыня ўрада Расii Мiхаiл Фрадкоў.

Паводле яго слоў, пытаннi аб пастаўках газу ў Беларусь у 2007 годзе вядуцца. У прыватнасцi, сёння гэтыя пытаннi былi разгледжаны з удзелам кiраўнiцтва «Газпрама» на пасяджэннi Савета Мiнiстраў Саюзнай дзяржавы.

На думку Мiхаiла Фрадкова, пытанне цаны на газ, тарыфаў, ацэнкi актываў газатранспартнай сiстэмы Беларусi — прадмет разгляду на ўзроўнi суб’ектаў гаспадарання Беларусi i Расii, што тым не менш знаходзiцца ў полi ўвагi кiраўнiцтва ўрадаў дзяржаў. Чакаецца, што ацэнка актываў «Белтрансгазу» будзе завершана ў лiстападзе 2006 года, адзначыў Мiхаiл Фрадкоў. I Беларусь, i Расiя зацiкаўлены ў больш хуткiм вырашэннi гэтых пытанняў, асаблiва ўлiчваючы iснуючы ўзровень кааперацыйных сувязей памiж прадпрыемствамi Беларусi i Расii.

Як адзначыў прэм’ер-мiнiстр Беларусi Сяргей Сiдорскi, кантракт з незалежнай кампанiяй па ацэнцы заключаны. Iснуюць пэўныя праблемы ў частцы стартавых умоў, па методыцы ацэнкi кошту «Белтрансгазу». Ён паведамiў, што цяпер распрацоўваецца 3-4 варыянты такой вартаснай ацэнкi. Паводле слоў Сяргея Сiдорскага, у гэтым пытаннi мы павiнны выйсцi на вiлку, а затым абмяркоўваць выбар канкрэтнага варыянта.

Пры гэтым ён падкрэслiў, што пазiцыя Беларусi ў гэтым пытаннi застаецца нязменная. Кошт цэн на расiйскi газ для Беларусi павiнен фармiравацца зыходзячы з умоў дамоўленасцяў, дасягнутых у Саюзнай дзяржаве. Пры гэтым Сяргей Сiдорскi адзначае гатоўнасць Беларусi пайсцi на павышэнне цэн на газ у рамках тых праектаў па кааперацыi прадпрыемстваў Беларусi i Расii, якiя будуць рэалiзаваны ў Саюзнай дзяржаве.