Праз пяць гадоў на праспекце Дзяржынскага будзе метро

Источник материала:

Зараз канцавой тут застаецца «Iнстытут культуры», але летась у раёне вулiцы Шчорса былi распачаты работы па ўзвядзенню станцыi «Грушаўская». Плануецца, што пасля яе ў раёне перасячэння праспекта Дзяржынскага i вулiцы Гурскага з’явiцца «Мiхалова», i яшчэ далей, на вулiцы Голубева, пабудуюць «Пятроўшчыну». Як паведамляюць у «Мiнскметропраекце», урад зацвердзiў архiтэктурныя планы па стварэнню новых участкаў.

Праект узгоднены i з шэрагам галiновых мiнiстэрстваў. Кошт работ складзе каля 494 мiльёнаў рублёў у цэнах 1991 года. Даўжыня трох новых станцый — больш чым 5 кiламетраў. У далейшым плануюць пабудаваць яшчэ дзве тысячы метраў першай лiнii — на перакрыжаваннi вулiцы Ясенiна i праспекта Дзяржынскага.

Дарэчы, у сталiцы будуць створаны i дзве новыя лiнii метро. Для гэтага на станцыях «Трактарны завод», «Фрунзенская», «Акадэмiя навук», «Маскоўская» зробяць перасадачныя вузлы.

Такiм чынам, трэцяя лiнiя працягласцю ў дваццаць кiламетраў будзе мець 14 станцый i звяжа мiкрараён «Зялёны Луг», цэнтр горада i плошчу Казiнца. Першы ўчастак трэцяй лiнii (яго стварэння чакаюць да 2020 года) будзе праходзiць ад плошчы Бангалор да вулiцы Жукоўскага. Iснуюць ужо i назвы станцый — «Плошча Бангалор», «Варвашэнi», «Клары Цэткiн», «Жукоўскага». Праекта 4-й лiнii яшчэ няма, але iдэя па яе стварэнню адлюстроўваецца ў планах развiцця сталiцы да 2020 года.