«Пакроўскi кiрмаш» будзе доўужыцца тыдзень

Источник материала:

Традыцыі

У выставе возьмуць удзел больш за 70 манастыроў, праваслаўных прыходаў, выдавецтваў, майстэрняў з розных куткоў Беларусi, Расii, Украiны. Будзе таксама прадстаўлена Латвiйская праваслаўная царква.

Зноў можна будзе сустрэцца з прадстаўнiкамi вядомых манастыроў, такiх, як Троiцка-Сергiева лаўра, Свята-Ефрасiннеўскi Полацкi, Свята-Успенскi Жыровiцкi, Свята-Елiсавецiнскi Мiнскi, Уведзенскi Серпухоўскi, Екацярынбургскi Нова-Цiхвiнскi, Сiмферопальскi i Густынскi Свята-Троiцкiя i iншыя. Упершыню прыедуць прадстаўнiкi Крыпецкага Iаана-Багаслоўскага манастыра (Пскоў) i Казанскага дзявочага (Калуга).

Кнiгi, касеты, дыскi, абразы, сувенiры, падарункi, вырабы з бяросты, лазы, дрэва, гжэльскi фарфор, паўлава-пасадскiя i арэнбургскiя хусткi, мёд, зёлкi, печыва — гэта i шмат чаго iншага прапануе кiрмаш для наведвальнiкаў.

Адметнасцю кiрмашу стане багатая культурная i духоўна-асветнiцкая праграма. Яе цэнтральная падзея — семiнар «Выкладанне курса «Асновы праваслаўнай культуры» ў агульнаадукацыйнай школе», якi пройдзе 11—12 кастрычнiка ў Акадэмii паслядыпломнай адукацыi. Дзве гутаркi на тэму «Праваслаўе як псiхалагiчная абарона дзяцей i моладзi ад негатыўнага ўплыву сучаснага свету» правядзе Галiна Логвiнава, практычны псiхолаг вышэйшай катэгорыi (г. Кастрама), цiкавыя гутаркi пра сучаснае жыццё царквы будзе праводзiць дыякан Брэсцкага Свята-Сiмяонаўскага кафедральнага сабора айцец Генадзь Сарока. Штодзень у 12, 14 i 16 гадзiн будуць праходзiць кiналекторыi, разлiчаныя на дзяцей, бацькоў i педагогаў. Наведвальнiкi выстаўкi змогуць сустрэцца з аўтарамi i вядучымi мультымедыйнага семiнара «Адзiнота ў сям’i». Семiнар адрасаваны тым, хто зведвае праблемы ў зносiнах, пакутуе ад адзiноты i не можа справiцца з комплексамi.

На сустрэчу са сваiмi чытачамi прыйдуць пiсьменнiкi Уладзiмiр Лiпскi, Барыс Ганага i Алена Мiхаленка.

А атмасферу свята створаць творчыя калектывы музычных, агульнаадукацыйных i нядзельных школ, хор Мiнскага духоўнага вучылiшча, дзiцячы ансамбль «Цiмпан», лаўрэаты i дыпламанты музычных фестываляў.

На закрыццi, 15 кастрычнiка, з аўтарскай праграмай выступiць кампазiтар i паэт Вячаслаў Бабкоў.

Адбудуцца таксама майстар-класы па званарнаму, дэкаратыўна-прыкладному мастацтву.

Выстава чакае гасцей з 7 па 15 кастрычнiка з 10 да 20 гадзiн. Уваход свабодны.