У Цяльцоў — энергетычны i эмацыянальны ўздым, а ў Блiзнят — поспехi ў прасоўваннi па сацыяльнай лесв

Источник материала:

АВЕН. У пачатку тыдня вас будуць асаблiва часта наведваць новыя iдэi i жаданне будаваць планы на iх аснове. Не выключана, што давядзецца сутыкнуцца з праблемай выбару памiж спакуслiвай i вельмi спакуслiвай магчымасцямi. Не забывайце, што ад дабра дабра не шукаюць. Звяртайцеся па параду — самастойна вам будзе цяжка зрабiць правiльны выбар. У сярэдзiне тыдня разгубленасць можа саслужыць вам дрэнную службу: будзьце больш уважлiвымi, калi працуеце з дакументамi. У пятнiцу, перш чым дзейнiчаць, дайце сабе час усё абдумаць i ўзважыць. У выхадныя дробныя хатнiя справы зоймуць большую частку вашага часу.

ЦЯЛЕЦ. Панядзелак будзе ўдалы для завяршэння спраў, якiя назапасiлiся, i вырашэння праблем. Калi штосьцi не будзе атрымлiвацца, пастарайцеся не iсцi напралом — адкладзiце на некалькi дзён. Чым менш будзеце гаварыць аб сваiх намерах i планах, тым хутчэй яны ажыццявяцца. У аўторак многае можаце паспець: на гэты дзень зоркi прызначылi для вас энергетычны i эмацыянальны ўздым. У пятнiцу ўдала пройдуць дзелавыя сустрэчы i падпiсанне дамоў i iншых дакументаў. Пастарайцеся не ствараць канфлiктных сiтуацый з-за дробязяў са сваiмi хатнiмi — нi да чаго добрага гэта не прывядзе. У нядзелю адпачнiце душой у вузкiм коле сяброў.

БЛIЗНЯТЫ. Верагодны значныя поспехi ў галiне адукацыi i ў прасоўваннi па сацыяльнай лесвiцы. Але не трэба чакаць, што гэтага поспеху вы даб’яцеся нiчога не робячы: ён запатрабуе ад вас значных намаганняў. Важныя звесткi, якiя атрымаеце нечаканым чынам, могуць змянiць усе вашы планы. Магчымыя клопаты з роднымi сталага ўзросту.

РАК. Панядзелак i аўторак пройдуць у размеранай спакойнай абстаноўцы, што дазволiць завяршыць хоць бы тыя справы, якiя не церпяць адкладу. Пачынаючы з серады падзеi пачнуць набываць асаблiвую важнасць. Не выключана, што яны адчыняць для вас блiскучыя перспектывы i ў справах, i ў асабiстым жыццi. Павышаная нагрузка падасца вам непасiльнай, але хутка вы адчуеце, як адкрыецца другое дыханне. У суботу пазнаёмiцеся з цiкавымi людзьмi.

ЛЕЎ. Можа ўзнiкнуць пачуццё настальгii. Пастарайцеся не паддавацца смутку. Што вас можа прыемна здзiвiць — дык гэта магчымасць змянiць працу на больш высокааплачваемую. Будзьце больш рашучымi ў зносiнах з тымi, хто прычыняе вам непрыемнасцi. Час адмовiцца ад сумненняў i няўпэўненасцi i смела прасоўвацца да мэты, якую вызначылi. У сераду лепш займацца звычайнымi справамi i не брацца за рэалiзацыю новых праектаў.

ДЗЕВА. Тыдзень абяцае пачацца з добрых навiн, якiя адкрыюць перад вамi новыя далягляды. Панядзелак будзе добрым i гарманiчным днём. У сераду на працы i дома магчымы канфлiктныя сiтуацыi, таму будзьце больш асцярожнымi ў словах i ўчынках. Кантралюйце кожны крок — iнакш усплёску эмоцый з далейшымi разборкамi практычна нельга мiнуць. У чацвер варта пазбягаць паспешнасцi ў рашэннях i залiшняй эмацыянальнасцi ў зносiнах, а таксама непрыемных сустрэч. Блiжэй да выхадных варта ўспомнiць пра сяброў — вас чакае спрыяльны час для цiкавай паездкi ў iх кампанii.

ШАЛI. Пастаўленыя перад вамi жыццёвыя пытаннi патрабуюць яснасцi ў думках, дакладнасцi ў мове i вызначанасцi ў планах на будучыню. Вам давядзецца знайсцi новыя варыянты развiцця сiтуацыi i паляпшэння адносiнаў з калегамi па працы. Пачынаць у аўторак рэалiзацыю буйных праектаў i планаў не варта, бо ёсць вялiкая небяспека сутыкнуцца з перашкодамi i цяганiнай. У выхадныя днi пастарайцеся адмовiцца ад дзелавой нагрузкi, прысвяцiце гэтыя днi спакойнаму адпачынку, пажадана — у кампанii сяброў.

СКАРПIЁН. Стабiльнасць жыццёвага ўкладу i аптымiстычны настрой дазволяць вам лёгка праслiзнуць праз перашкоды i выйсцi пераможцам практычна з любой сiтуацыi. У пачатку тыдня пажадана нiкуды не спазняцца: непунктуальнасць можа стаць прычынай праблем. У сераду ўзгадняйце i ўдакладняйце ўсё да дробязяў, бо ад вашай пiльнасцi будзе залежаць кар’ера. У чацвер не варта пачынаць размову аб праблеме, якая ўзнiкла на працы, з начальствам. Яно само паднiме гэту тэму — i тады вы апынiцеся ў больш выгадным становiшчы. У нядзелю не дазваляйце родным абцяжарваць вас праблемамi.

СТРАЛЕЦ. Удала пройдуць справы i задумы, якiя звязаны з паездкамi. Настае спрыяльны перыяд для творчай самарэалiзацыi. Не абяцайце таго, што не ў сiлах зрабiць, бо гэта можа стаць прычынай многiх праблем i непаразуменняў. Выберыце галоўную задачу, адкладзiце дробныя i не такiя важныя справы. Вам неабходна рэальна ацанiць сiтуацыю, якая склалася, i пастарацца дасягнуць выгадных дамоўленасцяў з партнёрамi па бiзнэсу. Настае новы вiток духоўнага развiцця, таму не забывайце пакiдаць дастаткова часу для самаўдасканальвання. У чацвер вашы хуткiя i рашучыя дзеяннi могуць стаць для кагосьцi выратаваннем.

КАЗЯРОГ. На працы будзе цанiцца ваша гатоўнасць аператыўна ўключыцца ў агульную справу. Але не iмкнiцеся вырашаць усе задачы ў адзiночку. Добразычлiвасць i гiбкасць у адносiнах з людзьмi стануць процiяддзем для магчымага псiхiчнага зрыву. Пачынаючы з аўторка вы будзеце лiтаральна выпраменьваць энергiчнасць, упэўненасць у сваiх сiлах, iмкненне быць наперадзе. Гэтыя якасцi знойдуць належныя кропкi прыкладання. У суботу не паўтарайце памылак мiнулага — гэта можа прынесцi толькi боль i расчараванне.

ВАДАЛЕЙ. Тыдзень абяцае быць паласатым. Некаторы час давядзецца прысвяцiць зносiнам з роднымi, што б вы пра гэта не думалi. Давядзецца больш часу надзяляць гаспадарчым праблемам. З iншага боку, вас чакаюць цiкавыя падзеi i прыемныя сустрэчы. Аўторак удалы для сяброўскай вечарынкi i адпачынку, у гэты дзень вы навярстаеце дэфiцыт зносiнаў, будучы цэнтрам агульнай увагi. Нядзеля можа стаць напружаным i канфлiктным днём: пастарайцеся не апускацца да крыўдаў i высвятлення адносiнаў. Прытрымайце злосць i агрэсiю, бо яны будуць дзейнiчаць не на вашу карысць.

РЫБЫ. Адпачнiце ж, нарэшце, ад работы — яна нiкуды ад вас не дзенецца. Лепш накiруйце свае сiлы на тое, каб прынесцi радасць сабе, родным i блiзкiм. Тыдзень лепш правесцi ў вузкiм сямейным цi сяброўскiм коле. Шумныя вечарынкi i вялiкiя натоўпы могуць толькi сапсаваць вам настрой. Дарэчы, калi вы захапляецеся рукадзеллем, задумайцеся аб падарунках да Новага года.