21.by - Новости Беларуси. Последние новости Беларуси из разных источников. Последние новости мира.

Спартыўны клуб аб’яднае паралiмпiйцаў

25.08.2009 22:08 — |  
Размер текста:
A
A
A

Источник материала:

Дзмiтрый АЛЬФЕР

Учора ў Барысаве пасля рэканструкцыi пачаў работу адноўлены спартыўны клуб для людзей з абмежаванымi магчымасцямi «Гефест». Напярэдаднi Мiжнароднага дня iнвалiдаў Мiнскi аблвыканкам зрабiў падарунак, якi проста неабходны сотням людзей з парушэннем апорна-рухальнага апарату.

У гэтым годзе клуб адзначыць пятнаццацiгоддзе. Як расказаў яго старшыня Андрэй БАРАНЧУК, у «Гефесце» зараз трэнiруюцца больш за сто чалавек.

— Мы заўсёды рады новым членам. Клуб мае статус абласнога, i таму дзверы яго адчынены для кожнага, хто прыездзе з любога кутка Мiншчыны. Пасля рамонту, якi быў праведзены за паўтара месяца, з «гадкага качаняцi» «Гефест» пераўтварыўся ў «белага лебедзя», — адзначыў старшыня.

I сапраўды, новыя трэнажоры, зала для настольнага тэнiсу, памяшканне iнтэлектуальных гульняў, спецыяльна абсталяваныя душавыя дазваляюць не толькi сур’ёзна займацца спортам, але i з карысцю выкарыстоўваць вольны час.

— Я рада, што ў Барысаве працуе спартыўны клуб, таму што вельмi важна, каб праблемы iнвалiдаў не заставалiся без увагi. Дзейнасць «Гефеста» дапамагае пераадольваць самую складаную праблему — бар’ер памiж грамадствам i людзьмi з фiзiчнымi асаблiвасцямi, — пракаментавала шматразовая чэмпiёнка паралiмпiйскiх гульняў Людмiла ВАЛЧОК.

— У клубе створаны ўсе ўмовы для заняткаў атлетычнымi вiдамi спорту на прафесiйным i аматарскiм узроўнях. Я наведваю «Гефест» з самага яго адкрыцця, i буду працягваць трэнiравацца тут, — расказаў Валерый РУМЯНЦАЎ — знакамiты паралiмпiец, першы беларус, якi атрымаў у 1998 годзе мiжнародны ордэн Мужнасцi.

I адна з самых надзённых праблем, якую дапамагае вырашыць у тым лiку i барысаўскi клуб «Гефест» — гэта прыцягненне iнвалiдаў да ўдзелу ў грамадскiм жыццi. Першы намеснiк старшынi Мiнскага абласнога выканаўчага камiтэта Леанiд КРУПЕЦ падкрэслiў:

— Мiншчына клапоцiцца аб усiх сацыяльных катэгорыях жыхароў — у тым лiку i аб асобах, якiя па пэўных умовах не могуць выкарыстоўваць свае фiзiчныя магчымасцi. Такiх людзей у вобласцi жыве больш за восемдзесят дзве тысячы, сярод iх 41 тысяча — гэта дзецi. Таму рэканструкцыя клуба — адзiн з этапаў плённай работы дзяржавы.


 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Учора ў Барысаве пасля рэканструкцыi пачаў работу адноўлены спартыўны клуб для людзей з абмежаванымi магчымасцямi «Гефест»
 
 
 

РЕКЛАМА

Архив

РЕКЛАМА


Все новости Беларуси и мира на портале news.21.by. Последние новости Беларуси, новости России и новости мира стали еще доступнее. Нашим посетителям нет нужды просматривать ежедневно различные ресурсы новостей в поисках последних новостей Беларуси и мира, достаточно лишь постоянно просматривать наш сайт новостей. Здесь присутствуют основные разделы новостей Беларуси и мира, это новости Беларуси, новости политики, последние новости экономики, новости общества, новости мира, последние новости Hi-Tech, новости культуры, новости спорта и последние новости авто. Также вы можете оформить электронную подписку на новости, которые интересны именно вам. Таким способом вы сможете постоянно оставаться в курсе последних новостей Беларуси и мира. Подписку можно сделать по интересующим вас темам новостей. Последние новости Беларуси на портале news.21.by являются действительно последними, так как новости здесь появляются постоянно, более 1000 свежих новостей каждый день.
Яндекс.Метрика