Закон Рэспублiкi Беларусь

Источник материала:

Прыняты Палатай прадстаўнiкоў 7 снежня 2006 года

Адобраны Саветам Рэспублiкi 14 снежня 2006 года

Артыкул 1. Артыкул 27 Закона Рэспублiкi Беларусь ад 27 сакавiка 1992 года «Аб статусе дэпутата мясцовага Савета дэпутатаў» у рэдакцыi Закона Рэспублiкi Беларусь ад 5 студзеня 2006 года (Ведамасцi Вярхоўнага Савета Рэспублiкi Беларусь, 1992г., № 13, ст. 217; Нацыянальны рэестр прававых актаў Рэспублiкi Беларусь, 2006 г., № 6, 2/1181) выкласцi ў наступнай рэдакцыi:

«Артыкул 27. Вытворчасць па крымiнальных справах у адносiнах да дэпутата Савета

Вытворчасць па крымiнальных справах у адносiнах да дэпутата Савета ажыццяўляецца ў адпаведнасцi з Крымiнальна-працэсуальным кодэксам Рэспублiкi Беларусь.».

Артыкул 2. Унесцi ў артыкул 47 Закона Рэспублiкi Беларусь ад 4 лiстапада 1998 года «Аб статусе дэпутата Палаты прадстаўнiкоў, члена Савета Рэспублiкi Нацыянальнага сходу Рэспублiкi Беларусь» (Ведамасцi Нацыянальнага сходу Рэспублiкi Беларусь, 1998 г., № 35, ст. 516) наступныя змяненне i дапаўненне:

у частцы трэцяй словы «дзяржаўнай здрады цi iншага» замянiць словамi «здрады дзяржаве цi iншага асаблiва»;

частку пятую пасля слоў «Генеральным пракурорам Рэспублiкi Беларусь» дапоўнiць словамi «або асобай, якая выконвае яго абавязкi, з папярэдняй згоды адпаведнай палаты Нацыянальнага сходу Рэспублiкi Беларусь».

Артыкул 3. Унесцi ў артыкул 13 Закона Рэспублiкi Беларусь ад 9 лiпеня 1999 года «Аб аператыўна-вышуковай дзейнасцi» (Нацыянальны рэестр прававых актаў Рэспублiкi Беларусь, 1999 г., № 57, 2/64; 2004 г., № 126, 2/1063) наступныя дапаўненнi i змяненнi:

абзац першы часткi другой пасля слоў «яго намеснiка» дапоўнiць словамi «(у выпадку, указаным у частцы трэцяй гэтага артыкула, — Генеральнага пракурора Рэспублiкi Беларусь або асобы, якая выконвае яго абавязкi)»;

пасля часткi другой дапоўнiць артыкул часткай наступнага зместу:

«Аператыўна-вышуковыя мерапрыемствы, указаныя ў пунктах 8—12 часткi першай артыкула 11 гэтага Закона, у адносiнах да асобы, пасада якой уключана ў кадравы рэестр Кiраўнiка дзяржавы Рэспублiкi Беларусь, дэпутата Палаты прадстаўнiкоў, члена Савета Рэспублiкi Нацыянальнага сходу Рэспублiкi Беларусь, суддзi, пракурорскага работнiка ў выпадку, калi крымiнальная справа ў адносiнах да такой асобы не была ўзбуджана цi такая асоба не была прыцягнута ў якасцi падазронай цi абвiнавачванай па крымiнальнай справе, узбуджанай у адносiнах да iншых асоб або па факту ўчыненага злачынства, могуць праводзiцца толькi з санкцыi Генеральнага пракурора Рэспублiкi Беларусь цi асобы, якая выконвае яго абавязкi.»;

часткi трэцюю—чатырнаццатую лiчыць адпаведна часткамi чацвёртай—пятнаццатай;

у частцы чацвёртай:

словы «i шостай» замянiць словамi «, трэцяй i сёмай»;

пасля слоў «яго намеснiка» дапоўнiць частку словамi «(у выпадку, указаным у частцы трэцяй гэтага артыкула, — Генеральнага пракурора Рэспублiкi Беларусь цi асобы, якая выконвае яго абавязкi)»;

у частцы трынаццатай слова «адзiнаццатай» замянiць словам «дванаццатай».

Артыкул 4. Унесцi ў Крымiнальна-працэсуальны кодэкс Рэспублiкi Беларусь ад 16 лiпеня 1999 года (Нацыянальны рэестр прававых актаў Рэспублiкi Беларусь, 2000 г., № 77—78, 2/71; № 47, 2/152; 2003 г., № 8, 2/922) наступныя змяненнi i дапаўненнi:

1. У частцы 1 артыкула 29:

у пункце 5 слова «чацвёртай —» замянiць словамi «пятай i»;

дапоўнiць частку пунктам 12 наступнага зместу:

«12) у выпадку адмовы службовай асобы (органа) у дачы згоды на ўзбуджэнне крымiнальнай справы ў адносiнах да асобы, указанай у пунктах 1, 2, 5 i 6 артыкула 4682 гэтага Кодэкса, або на прыцягненне такой асобы ў якасцi падазронай цi абвiнавачванай па крымiнальнай справе, узбуджанай у адносiнах да iншых асоб або па факту ўчыненага злачынства.».

2. У частцы 5 артыкула 173 лiчбу «4» замянiць лiчбамi «41».

3. У артыкуле 368:

дапоўнiць артыкул часткай 21 наступнага зместу:

«21. Пры пастанове апраўдальнага прыгавору за недаказанасцю ўдзелу абвiнавачванага ва ўчыненнi злачынства, калi асоба, якая ўчынiла злачынства, застаецца нявыяўленай, суд выносiць пастанову аб перадачы крымiнальнай справы пракурору для арганiзацыi вытворчасцi дадаткова папярэдняга расследавання i выяўлення асобы, якая падлягае прыцягненню ў якасцi абвiнавачванай.»;

у частцы 3 словы «Усе названыя ў гэтым артыкуле працэсуальныя рашэннi» замянiць словамi «Працэсуальныя рашэннi, названыя ў частках 1 i 2 гэтага артыкула,».

4. Дапоўнiць раздзел XIV Кодэкса главой 49 наступнага зместу:

«ГЛАВА 49

ВЫТВОРЧАСЦЬ ПА КРЫМIНАЛЬНЫХ СПРАВАХ У АДНОСIНАХ ДА НЕКАТОРЫХ КАТЭГОРЫЙ АСОБ

Артыкул 4681. Катэгорыi асоб, у адносiнах да якiх прымяняецца асобы парадак вытворчасцi па крымiнальнай справе

1. Патрабаваннi гэтай главы прымяняюцца пры вытворчасцi па крымiнальнай справе ў адносiнах да:

1) асобы, пасада якой уключана ў кадравы рэестр Кiраўнiка дзяржавы Рэспублiкi Беларусь;

2) дэпутата Палаты прадстаўнiкоў, члена Савета Рэспублiкi Нацыянальнага сходу Рэспублiкi Беларусь;

3) дэпутата абласнога, Мiнскага гарадскога, раённага, гарадскога, пасялковага, сельскага Савета дэпутатаў;

4) суддзi;

5) народнага засядацеля ў перыяд выканання iм сваiх абавязкаў у судзе;

6) пракурорскага работнiка.

2. Парадак вытворчасцi па крымiнальнай справе ў адносiнах да асобы, указанай у частцы 1 гэтага артыкула, вызначаецца агульнымi правiламi гэтага Кодэкса з выключэннямi, устаноўленымi гэтай главой.

Артыкул 4682. Узбуджэнне крымiнальнай справы. Прыцягненне ў якасцi падазронага цi абвiнавачваемага

Рашэнне аб узбуджэннi крымiнальнай справы ў адносiнах да асобы, указанай у частцы 1 артыкула 4681 гэтага Кодэкса, або аб прыцягненнi яе ў якасцi падазронай цi абвiнавачваемай па крымiнальнай справе, узбуджанай у адносiнах да iншых асоб або па факту ўчыненага злачынства, прымаецца ў адносiнах да:

1) асобы, пасада якой уключана ў кадравы рэестр Кiраўнiка дзяржавы Рэспублiкi Беларусь, — Генеральным пракурорам Рэспублiкi Беларусь цi асобай, якая выконвае яго абавязкi, з папярэдняй згоды Прэзiдэнта Рэспублiкi Беларусь;

2) дэпутата Палаты прадстаўнiкоў, члена Савета Рэспублiкi Нацыянальнага сходу Рэспублiкi Беларусь — Генеральным пракурорам Рэспублiкi Беларусь цi асобай, якая выконвае яго абавязкi, з папярэдняй згоды адпаведнай палаты Нацыянальнага сходу Рэспублiкi Беларусь, калi iншае не прадугледжана пунктам 1 гэтага артыкула;

3) дэпутата абласнога, Мiнскага гарадскога Савета дэпутатаў — пракурорам адпаведна вобласцi, горада Мiнска i прыраўнаваным да яго пракурорам цi вышэйстаячым пракурорам;

4) дэпутата раённага, гарадскога, пасялковага, сельскага Савета дэпутатаў — пракурорам адпаведна раёна, горада i прыраўнаваным да яго пракурорам цi вышэйстаячым пракурорам;

5) суддзi — Генеральным пракурорам Рэспублiкi Беларусь цi асобай, якая выконвае яго абавязкi, з папярэдняй згоды службовай асобы, якая назначыла суддзю (дзяржаўнага органа, якi выбраў яго);

6) народнага засядацеля — пракурорам з папярэдняй згоды службовай асобы (органа), якi зацвердзiў спiсы народных засядацеляў;

7) пракурорскага работнiка — Генеральным пракурорам Рэспублiкi Беларусь цi асобай, якая выконвае яго абавязкi, калi iншае не прадугледжана пунктам 1 гэтага артыкула.

Артыкул 4683. Затрыманне i iншыя меры працэсуальнага прымусу

1. Асоба, якая займае вышэйшую дзяржаўную пасаду Рэспублiкi Беларусь, а таксама асоба, пасада якой уключана ў кадравы рэестр Кiраўнiка дзяржавы Рэспублiкi Беларусь i якая назначана на гэту пасаду Прэзiдэнтам Рэспублiкi Беларусь, не могуць быць затрыманы i iншым чынам пазбаўлены асабiстай свабоды без папярэдняй згоды Прэзiдэнта Рэспублiкi Беларусь, за выключэннем выпадкаў здзяйснення здрады дзяржаве цi затрымання на месцы ўчынення злачынства.

2. Асоба, пасада якой уключана ў кадравы рэестр Кiраўнiка дзяржавы Рэспублiкi Беларусь, акрамя асоб, указаных у частцы 1 гэтага артыкула, не можа быць затрымана i iншым чынам пазбаўлена асабiстай свабоды без папярэдняй згоды Прэзiдэнта Рэспублiкi Беларусь, за выключэннем выпадкаў здзяйснення здрады дзяржаве, iншага асаблiва цяжкага злачынства, а таксама затрымання на месцы ўчынення злачынства.

3. Дэпутат Палаты прадстаўнiкоў, член Савета Рэспублiкi Нацыянальнага сходу Рэспублiкi Беларусь не могуць быць затрыманы i iншым чынам пазбаўлены асабiстай свабоды без папярэдняй згоды адпаведнай палаты Нацыянальнага сходу Рэспублiкi Беларусь, за выключэннем выпадкаў здзяйснення здрады дзяржаве, iншага асаблiва цяжкага злачынства, а таксама затрымання на месцы ўчынення злачынства.

4. Суддзя, за выключэннем суддзi, пасада якога ўключана ў кадравы рэестр Кiраўнiка дзяржавы Рэспублiкi Беларусь, народны засядацель не могуць быць затрыманы i iншым чынам пазбаўлены асабiстай свабоды без папярэдняй згоды адпаведна службовай асобы, якая назначыла суддзю (дзяржаўнага органа, якi выбраў яго), службовай асобы (органа), якая зацвердзiла спiсы народных засядацеляў, за выключэннем выпадкаў здзяйснення здрады дзяржаве, iншага асаблiва цяжкага злачынства, а таксама затрымання на месцы ўчынення злачынства.

5. Аб затрыманнi асобы, пасада якой уключана ў кадравы рэестр Кiраўнiка дзяржавы Рэспублiкi Беларусь, дэпутата Палаты прадстаўнiкоў, члена Савета Рэспублiкi Нацыянальнага сходу Рэспублiкi Беларусь, суддзi, народнага засядацеля, пракурорскага работнiка органамi, якiя правялi затрыманне, неадкладна паведамляецца ў пiсьмовай форме:

1) Прэзiдэнту Рэспублiкi Беларусь — у адносiнах да асобы, пасада якой уключана ў кадравы рэестр Кiраўнiка дзяржавы Рэспублiкi Беларусь;

2) Старшынi Палаты прадстаўнiкоў Нацыянальнага сходу Рэспублiкi Беларусь — у адносiнах да дэпутата Палаты прадстаўнiкоў Нацыянальнага сходу Рэспублiкi Беларусь;

3) Старшынi Савета Рэспублiкi Нацыянальнага сходу Рэспублiкi Беларусь — у адносiнах да члена Савета Рэспублiкi Нацыянальнага сходу Рэспублiкi Беларусь;

4) Старшынi Канстытуцыйнага Суда Рэспублiкi Беларусь цi яго намеснiку — у адносiнах да суддзi Канстытуцыйнага Суда Рэспублiкi Беларусь;

5) Старшынi Вярхоўнага Суда Рэспублiкi Беларусь цi Старшынi Вышэйшага Гаспадарчага Суда Рэспублiкi Беларусь, у адпаведную квалiфiкацыйную калегiю суддзяў i Мiнiстэрства юстыцыi Рэспублiкi Беларусь — у адносiнах да суддзяў агульных i гаспадарчых судоў;

6) службовай асобе (органу), якая зацвердзiла спiсы народных засядацеляў, — у адносiнах да народнага засядацеля;

7) Генеральнаму пракурору Рэспублiкi Беларусь — у адносiнах да пракурорскага работнiка.

Артыкул 4684. Асаблiвасцi выбрання меры стрымання i вытворчасцi асобных следчых дзеянняў

1. Пасля ўзбуджэння крымiнальнай справы або прыцягнення асобы ў якасцi падазронай цi абвiнавачванай па крымiнальнай справе, узбуджанай у адносiнах да iншых асоб або па факту ўчыненага злачынства, у парадку, устаноўленым артыкулам 4682 гэтага Кодэкса, прымяненне меры стрымання, за выключэннем узяцця пад варту або iншага пазбаўлення асабiстай свабоды, вытворчасць следчых дзеянняў у адносiнах да такой асобы ажыццяўляюцца ў парадку, прадугледжаным гэтым Кодэксам.

2. У выпадку, калi крымiнальная справа ў адносiнах да асобы, пасада якой уключана ў кадравы рэестр Кiраўнiка дзяржавы Рэспублiкi Беларусь, дэпутата Палаты прадстаўнiкоў, члена Савета Рэспублiкi Нацыянальнага сходу Рэспублiкi Беларусь, суддзi, пракурорскага работнiка не была ўзбуджана цi такая асоба не была прыцягнута ў якасцi падазронай цi абвiнавачванай па крымiнальнай справе, узбуджанай у адносiнах да iншых асоб па факту ўчыненага злачынства, правядзенне следчых дзеянняў, выконваемых з санкцыi пракурора, можа ажыццяўляцца толькi з санкцыi Генеральнага пракурора Рэспублiкi Беларусь цi асобы, якая выконвае яго абавязкi. Асабiсты вобыск у адносiнах да гэтых асоб не дапускаецца, за выключэннем выпадкаў затрымання на месцы ўчынення злачынства.».

Артыкул 5. Унесцi ў артыкул 87 Кодэкса Рэспублiкi Беларусь аб судовым ладзе i статусе суддзяў ад 29 чэрвеня 2006 года (Нацыянальны рэестр прававых актаў Рэспублiкi Беларусь, 2006 г., № 107, 2/1236) наступныя змяненнi i дапаўненне:

частку трэцюю, першы сказ часткi чацвёртай, часткi пятую—сёмую выключыць;

часткi чацвёртую, восьмую i дзевятую лiчыць адпаведна часткамi трэцяй—пятай;

частку чацвёртую пасля слоў «У выпадку дачы» дапоўнiць словамi «ва ўстаноўленым Крымiнальна-працэсуальным кодэксам рэспублiкi Беларусь парадку»;

частку пятую выкласцi ў наступнай рэдакцыi:

«Вытворчасць па крымiнальных справах у адносiнах да суддзяў i народных засядацеляў ажыццяўляецца ў адпаведнасцi з Крымiнальна-працэсуальным кодэксам Рэспублiкi Беларусь.».

Артыкул 6. Гэты Закон уступае ў сiлу праз дзесяць дзён пасля яго афiцыйнага апублiкавання.

Прэзiдэнт Рэспублiкi Беларусь А. ЛУКАШЭНКА

30 снежня 2006 года, г. Мiнск.

№ 198—З