Непрыемнае суседства

Источник материала:

Мы жывём у драўляным бараку, за сцяной жыве суседка, якая часта прыводзiць розныя кампанii, яны выпiваюць, уключаюць на ўсю моц музыку, непрыстойна i шумна сябе вядуць. Гэта адбываецца не толькi днём, але i ноччу. Мая жонка звярнулася да iх з просьбай цiшэй сябе паводзiць, але ў адказ яны сталi сварыцца, усяк яе зневажаць. У 2005 годзе мы звярталiся да ўчастковага iнспектара наконт зняваг i iх непрыстойных паводзiнаў. Адбыўся адмiнiстрацыйны суд, суседцы далi штраф. Спачатку яна прыцiхла, але потым узялася за старое з яшчэ большым размахам. Два месяцы таму нам зноў давялося выклiкаць мiлiцыю, быў складзены пратакол. Растлумачце, як мы можам абаранiць свае правы, цi можам мы звярнуцца ў крымiнальны суд, што аб гэтым гаворыць заканадаўства Рэспублiкi Беларусь.

Вiцебская вобласць

Пунктам 6 гэтых Правiлаў устаноўлена, што карыстанне i ўтрыманне жылых i дапаможных памяшканняў павiнна адбывацца ў адпаведнасцi з Правiламi i заключанымi з наймальнiкамi або ўласнiкамi дагаворамi. У гэтых мэтах грамадзяне павiнны, у прыватнасцi, не ўчыняць дзеянняў, якiя прыводзяць да псавання жылых i дапаможных памяшканняў жылога дома або ствараюць павышаны шум, вiбрацыю i тым самым парушаюць нармальныя ўмовы пражывання грамадзян у iншых жылых памяшканнях. Карыстацца тэлевiзарамi, радыёпрыёмнiкамi, магнiтафонамi i iншымi гучнымi ўстройствамi дапускаецца толькi пры ўмове змяншэння iх чутнасцi да ступенi, якая не парушае спакою iншых жыльцоў дома. З 23.00 да 7.00 у жылых памяшканнях павiнна захоўвацца цiшыня.

Парушэнне Правiлаў цягне адказнасць у адпаведнасцi з дзеючым заканадаўствам Рэспублiкi Беларусь.

Так, напрыклад, артыкулам 141 Кодэкса Рэспублiкi Беларусь аб адмiнiстрацыйных правапарушэннях устаноўлена, што парушэнне правiлаў карыстання жылымi памяшканнямi, санiтарнага ўтрымання месцаў агульнага карыстання або парушэнне правiлаў эксплуатацыi жылых дамоў, безгаспадарчае iх утрыманне i да т.п. цягне папярэджанне або накладанне штрафу на грамадзян у памеры да трох базавых велiчынь.

Згодна з артыкулам 39 Жыллёвага кодэкса Рэспублiкi Беларусь, калi наймальнiк, члены яго сям’i i iншыя сумесна пражываючыя з iм асобы сiстэматычным парушэннем правiлаў карыстання жылым памяшканнем робяць немагчымым для iншых пражыванне з iмi ў адной кватэры або ў адным доме, а меры папярэджання i грамадскага ўздзеяння аказалiся безвынiковымi, вiнаватых могуць у судовым парадку выселiць па патрабаванню наймадаўца або iншых зацiкаўленых асоб.

Аднак гэты артыкул можа быць прыменены толькi ў адносiнах да тых жыльцоў, якiя не з’яўляюцца ўласнiкамi займаемага жылога памяшкання.

Знявага, гэта значыць наўмыснае прынiжэнне гонару i годнасцi асобы, выражанае ў непрыстойнай форме, караецца ў адмiнiстрацыйным i крымiнальным парадках. Як можна зразумець з вашага пiсьма, у адмiнiстрацыйным парадку суседку ўжо пакаралi. Куды для гэтага трэба звяртацца пацярпеламу, вы таксама ўжо ведаеце.

У крымiнальным парадку, згодна з артыкулам 189 Крымiнальнага кодэкса Рэспублiкi Беларусь, караецца знявага, якая здзейснена на працягу года пасля накладання мераў адмiнiстрацыйнага ўздзеяння за знявагу або паклёп. Суд можа пакараць вiнаватага ў такiх дзеяннях грамадскiмi работамi, або штрафам, або папраўчымi работамi на тэрмiн да аднаго года, або абмежаваннем свабоды на тэрмiн да двух гадоў. Справы па артыкулу 189 Крымiнальнага кодэкса з’яўляюцца справамi прыватнага абвiнавачвання i ўзбуджаюцца асобай, якая пацярпела ад знявагi, шляхам падачы ў раённы (гарадскi) суд заявы аб гэтым. Справы прыватнага абвiнавачвання падлягаюць спыненню ў выпадку прымiрэння бакоў.