Дапамажыце пазваночнiку

Источник материала:

(Пачатак у нумарах за 5 і 6 студзеня.)

— Таццяна з Нясвiжа. У мужа, як паказала тамаграфiя, — мiжпазванковая грыжа. Гадоў шэсць ён пакутуе ад яе. Даволi дрэнна сябе адчувае...

— Нейрахiрург кансультаваў?

— Не.

— Вы павiнны трапiць на прыём да нейрахiрурга абласной бальнiцы — Любяшчава Iгара Святаслававiча. Вазьмiце накiраванне на кансультацыю ў неўролага па месцы жыхарства. Вам абавязкова дадуць яго, бо на месцы такога спецыялiста няма.

— Лагойск, Надзея Юр’еўна. У пазваночным аддзеле разбураецца адзiн дыск. Цi можна прыпынiць гэты працэс?

— Храстковая тканка старэе. Здараецца гэта часта, часам з атрафiяй дыска, з-за чаго чалавек становiцца нiжэй ростам. Спынiць працэс цяжка. У любым выпадку варта прымаць прэпараты, якiя здымаюць болевы сiндром.

— Боль найбольш непакоiць у грудным аддзеле, аддае пад лапатку, нават руку цяжка бывае павярнуць.

— Якое лячэнне вы прымалi?

— Уколы — дыпраскам i iншыя. Дыядынамiка крыху здымае боль — тыднi на два. Масаж рабiлi.

— Неабходна паўтараць гэта лячэнне, бо працэс будзе вяртацца, калi нiчога не рабiць. Вам паказаны нагляд у неўрапатолага, якi будзе падбiраць найбольш дзейсныя прэпараты, бо iх увогуле шмат. Разбурэнне храстка ўжо адбылося, i цяпер важна, каб ён не прыцiснуў нерв, iнакш давядзецца рабiць аперацыю.

— Камп’ютарная тамаграфiя, якую я рабiла летам, паказала, што адзiн асколак адламаўся.

— Нага балiць?

— Левая — пастаянна.

— Вазьмiце накiраванне да нейрахiрурга ў Бараўляны або ў Рэспублiканскi навукова-практычны цэнтр неўралогii i нейрахiрургii. Пакажыце там здымкi, вам падкажуць, што рабiць далей.

— Валожынскi раён. Мяне завуць Станiслава Iванаўна, хачу спытаць пра мужа, у якога — правабаковая грыжа дыска L4, L5, да 8 мм. Цi можна абысцiся без аперацыi?

— Колькi часу ён хварэе?

— Пяць месяцаў.

— Калi боль ёсць, неабходна рабiць аперацыю. Iнакш адбудзецца атрафiя нерва, нага пачне «шлёпаць».

— А эфектыўных уколаў няма?

— На жаль, няма.

— Калiнкавiцкi раён, Марыя Рыгораўна. Скажыце, калi ласка, цi ёсць у нашай рэспублiцы санаторый, дзе можна было б рабiць падводную выцяжку пазваночнiка? Некалi я рабiла такую працэдуру...

— А колькi вам гадоў?

— Шэсцьдзесят сем.

— Вам процiпаказана выцяжка. Пазваночнiк ужо сфармiраваўся, зросся. Калi ёсць праблемы з пазваночнiкам, неабходна атрымаць лячэнне ў неўролага.

— Камп’ютарная тамаграфiя паказала, што ў мяне астэахандроз, дыскагенны радыкулiт, змяшчэнне дыска паяснiчна-крыжавога аддзела пазваночнiка.

— Болi ў назе ёсць?

— Былi вельмi моцныя. Але я рабiла шмат працэдур — i масаж, i гэту выцяжку... Зараз намнога лепей.

— У вашым узросце нельга рабiць нiякую выцяжку. Калi болi прайшлi — гэта добра. Iншыя патрэбныя працэдуры рабiце пад наглядам свайго ўрача.

— Прывiтанне! Мяне завуць Марыя Аляксандраўна, 51 год. Званю з Навагрудскага раёна. У мяне — астэахандроз, прапiсвалi дыклафенак i яго аналагi, таблеткi i ўколы, ад якiх у мяне балiць пад грудзямi i я адчуваю млосць.

— Дык навошта вы iх прымаеце? Болi моцныя?

— Абвастрэнне было моцнае. Зараз пазваночнiк будзiць мяне кожную ранiцу, але трываць можна.

— Акрамя дыклафенаку, якi, дарэчы, моцна ўздзейнiчае на страўнiк, ёсць iншыя прэпараты. Звярнiцеся да свайго неўролага, каб вам прызначылi iншае лячэнне.

— Мiнск, Раiса Фёдараўна. Звыш 30 гадоў пакутую ад дыскагеннага радыкулiту.[

— I нiхто з урачоў не глядзеў?

— Я займалася самалячэннем. Было абвастрэнне, зрабiла магнiтна-рэзанансную тама-графiю, якая выявiла змяшчэнне пазванка. Прыняла лячэнне — уколы, таблеткi, фiзiяпрацэдуры, i штосьцi не магу даць рады вось ужо шэсць тыдняў.

— Але ж крыху дапамагло?

— Крыху — так.

— Неабходна параiцца з неў-ролагам цi патрэбна вам кансультацыя нейрахiрурга. Калi патрэбна — бярыце накiраванне ў 5-ю бальнiцу. Калi не патрэбна, пастаянна працягвайце рабiць тое, што прызначае ваш урач.

— Гомельская вобласць, горад Лельчыцы. Аляксандр Канстанцiнавiч, 67 гадоў. Я ляжаў нядаўна ў бальнiцы хуткай дапамогi, дзе толькi давалi таблеткi i ставiлi кропельнiцу. Вярнуўся дадому, але палёгкi так i не адчуў.

— Калi палёгкi ад лячэння няма, звярнiцеся да свайго неўрапатолага цi тэрапеўта па месцы жыхарства i папрасiце накiраванне ў РНПЦ неўралогii i нейрахiрургii.

— З Аршанскага раёна званю. Вiктар Iванавiч, 51 год. З дзяцiнства — скалiёз, хоць я i ў армii служыў, а дыягназ паставiлi толькi ў 1993-м. За апошнiя дзесяць гадоў стан пазваночнiка значна пагоршыўся. Не ведаю, што рабiць...

— Дрэнна, што ўрачы прагледзелi ваша захворванне. Зараз жа неабходна звяртацца да артапеда-траўматолага.

— Мiкалай Iванавiч з Мiнска, 52 гады. Парайце што рабiць у такой сiтуацыi: гадоў дваццаць таму, калi насiў цяжкiя мяхi, штосьцi «стрэлiла» ў спiне, стала цёмна ў вачах. Паступова адпусцiла, канешне, але з таго часу спiна балiць. Цяпер адчуваю боль, калi рэзка павярнуся.

— У нагу не аддае?

— Не.

— У вас — астэахандроз. Калi б было выпадзенне дыска, быў бы боль у назе. Таму вам трэба лячыцца ў неўролага.

— Жлобiн, Уладзiмiр Афа-насьевiч. 75 гадоў. У мяне — астэахандроз паяснiчнага аддзела пазваночнiка. Ранiцай i падчас сну адчуваю боль у паяснiцы. Цi трэба мне спаць на цвёрдым ложку? I яшчэ: з-за глаўкомы я iмкнуся пазбягаць прылiву крывi да вачэй i кладу пад галаву дзве падушкi. Гэта можа адмоўна паўплываць на развiццё астэахандрозу?

— Ложак павiнен быць цвёрдым, для чаго пад матрац кладзецца драўляны шчыт. Падушкi не вельмi ўплываюць у дадзеным выпадку на астэахандроз, так што можна спаць i на дзвюх.

— Яўгенiя Iванаўна са Стаўбцоўскага раёна. Мне 57 гадоў. Прайшла лячэнне ў Мiнскай абласной клiнiчнай бальнiцы па прычыне астэахандрозу паяснiчна-крыжавога аддзела пазваночнiка, якi выражаны ў L4 i S1 сегментах, двухбаковага коксартрозу 1-й ступенi, дыскагеннага радыкулiту S1 злева з мышачна-танiчным сiндромам, дэгератыўна-дэструктыўных працэсаў у пазваночнiку. Левая нага па-ранейшаму «цягне», болi не праходзяць. Куды звяртацца?

— Неабходна знаходзiцца пад наглядам i на пастаянным лячэннi ў неўрапатолага. Вам патрэбна пастаяннае лячэнне. Ужывайце лекавыя прэпараты, хадзiце на масажы, ёсць яшчэ магнiтная i лазарная тэрапiя — мноства спосабаў лячэння. Важна, каб урач падабраў тое, што вам падыходзiць. Калi вы не адчуеце паляпшэння, пракансультуйцеся ў нейрахiрурга Мiнскай абласной бальнiцы

— Юрый Аляксандравiч, 49 гадоў, званю з Вiцебскага раёна. У 1995 годзе перанёс аперацыю на пазваночнiку па прычыне мiжпазванковай грыжы, умеранага парэзу стоп. У 2004-м — зноў аперацыя з-за рубцовага сцiскання. Двойчы на год праходжу курс лячэння ў абласной бальнiцы. Але ж ногi i паяснiца баляць. Чым можна дапамагчы i цi ёсць абмежаваннi па фiзiчнай нагрузцы?

— Рубцова-спаечны працэс праходзiць досыць неспрыяльна. Вам неабходна працягваць пастаяннае лячэнне, а фiзiчныя нагрузкi, безумоўна, абмежаваць.

— Валянцiна Якаўлеўна, 60 гадоў. Вiцебская вобласць. У вiцебскiм дыягнастычным цэнтры выявiлi змяшчэнне 5-га пазванка. Спiна балiць, але не моцна. Балiць калена, якое навобмацак нейкае дэфармаванае. Цi можа быць тут нейкая сувязь i што мне рабiць?

— Хутчэй за ўсё, у вас прагрэсiруе астэахандроз, ад якога пакутуе храстковая тканка. Неабходна, каб неўролаг прызначыў процiзапаленчую, нестэроiдную тэрапiю. Прэпараты давядзецца ўжываць пастаянна. Гэта дапаможа зняць боль i крыху нармалiзаваць працэсы.

— Алеся, Верхнядзвiнскi раён, Вiцебская вобласць. Май-му мужу 33 гады. Перанёс гэтым летам дзве аперацыi — на пазваночнiку. Па прычыне мiжпазванковай грыжы i спаечнага працэсу. Яму далi трэцюю групу iнвалiднасцi, але ён не можа нават рухацца, не тое што працаваць. Ёсць падазрэнне, што будзе i трэцяя аперацыя. Дапамажыце, калi ласка! Што нам рабiць?

— Звярнiцеся ў Рэспублiканскi навукова-практычны цэнтр неўралогii i нейрахiрургii, па адрасе: Мiнск, вулiца Народная, 59. Паспрабуем вам дапамагчы.

— Гродзенская вобласць, Леанiд. У якiх выпадках паказана хiрургiчнае ўмяшанне для лячэння хворага пазваночнiка?

— Падстаў многа: выпадзенне мiжпазванковых дыскаў, пухлiны спiннога мозгу, некаторыя сасудзiстыя парушэннi. Цяжка назваць усе. Калi ў вас няма падобнага захворвання, то i дзякуй Богу.

— Людмiла Мiкалаеўна, мне 37 гадоў, жыву ў горадзе Iвацэвiчы Брэсцкай вобласцi. Дыягназ — вертэбрагенная цэрвiкапгiя, цi астэахандроз С5, С6, перыферычны вестыбулярны сiндром, дэкампенсацыя, вокавая форма мiгрэнi. Дзе можна ўдакладнiць дыягназ, прайсцi лячэнне?

— Я рэкамендаваў бы папрасiць накiраванне на кансультацыю да неўролага Рэспублiканскага навукова-практычнага цэнтра неўралогii i нейрахiрургii, што ў Мiнску, па вулiцы Ф. Скарыны, 24.Там ёсць аддзяленнi для дадатковага абследавання.

— Нiна Iванаўна са Столiна. Мне 40 гадоў. У дзяцiнстве ставiлi дыягназ — sрinа bifidа. Я нават нiколi не цiкавiлася, што гэта такое...

— Расшчапленне дужкi пазванка.

— Зараз я моцна кульгаю. Боль iдзе па пярэдняй паверхнi бядра. Пакутую вось ужо гады чатыры. Цяпер нават узяла водпуск, бо не магу хадзiць. Мне кажуць, што гэта радыкулiт, калолi дыклафенак.

— А вы абследавалiся?

— Не.

— Вам неабходна абавязкова зрабiць магнiтна-рэзанансную тамаграфiю пазваночнiка — нiжняга груднога i паяснiчнага аддзелаў. Верагодна, у вас ёсць паталогiя.

«Прамую лiнiю» правялi Святлана БАРЫСЕНКА i Вольга ШАЎКО.