150 тысяч долараў за самае прыгожае дэфiле

Источник материала:

Ведай нашых!

Беларуска Вiкторыя МАХОТА заняла другое месца на конкурсе «Форд Супермадэль свету-2007»

У вынiку першае месца i кантракт з агенцтвам «Форд Модэлс» на суму ў 250 тысяч долараў журы прысудзiла ўдзельнiцы з Нiдэрландаў, кантракт на меншую суму — 150 тысяч долараў — дастаўся беларусцы. Прадстаўнiцы Данii за трэцяе месца агенцтва прапанавала гадавое супрацоўнiцтва ў выглядзе кантракта на 100 тысяч долараў. Дарэчы, паводле слоў дырэктара «Студыi моды Сяргея Нагорнага» Вольгi Паповай, якая рыхтавала, суправаджала i падтрымлiвала нашу канкурсантку, журы адзначыла дэфiле Вiкторыi Махота як самае прыгожае i прафесiйнае.

Нагадаем, 15-гадовая мiнчанка, якая раней нiколi не займалася мадэльным бiзнэсам, перамагла ў нацыянальным адборы, дзе ў фiнале сустрэлiся 30 прыгажунь з усiх рэгiёнаў Беларусi. Пасля гэтага Вiкторыя прайшла экспрэс-курс навучання ў подыум-школе «Студыя моды Сяргея Нагорнага», дзе педагогi выкладалi дзяўчыне акцёрскае майстэрства, этыкет, майстэрства макiяжу, дэфiле i г.д.

Летась прадстаўнiца Беларусi — мiнчанка Кацярына Даманькова — заняла на конкурсе «Форд Супермадэль свету» першае месца, абышоўшы сапернiц з 38 краiн свету. Сёлета Вiкторыя Махота, апраўдаўшы ўласнае iмя, амаль што паўтарыла гэта дасягненне. I хто пасля гэтага сумняваецца, што беларускiя дзяўчаты — самыя, самыя?..