Падаткам не абкладаюцца...

Источник материала:

Пытальнік

Як патлумачылi рэдакцыi ва ўпраўленнi падаткаабкладання фiзiчных асобаў Мiнiстэрства па падатках i зборах, дэкларацыю трэба падаваць пры наяўнасцi даходаў, якiя абкладаюцца падаходным падаткам. Даходы ж, атрыманыя навучэнцамi агульнаадукацыйных i прафесiйна-тэхнiчных навучальных устаноў за выкананыя iмi работы, звязаныя з вучэбна-вытворчым працэсам, згодна з артыкулам 12 Закона Рэспублiкi Беларусь «Аб падаходным падатку з фiзiчных асобаў», не падлягаюць падаткаабкладанню. Гэта ж адносiцца i да даходаў удзельнiкаў студэнцкiх атрадаў, што ажыццяўляюць дзейнасць на тэрыторыi краiны — за працу ў складзе такiх атрадаў. Такiм чынам, падстаў для падачы дэкларацыi няма.

Сацыяльнаму падатковаму вылiку падлягаюць сумы, выплачаныя плацельшчыкамi-бацькамi за навучанне сваiх дзяцей (плацельшчыкам-апекуном, плацельшчыкам-папячыцелем — за навучанне сваiх падапечных) ва ўстановах адукацыi Рэспублiкi Беларусь пры атрыманнi iмi першай вышэйшай цi сярэдняй спецыяльнай адукацыi. Такiм чынам, падатковая льгота можа быць улiчана пры падачы дэкларацыi бацькамi навучэнца. Акрамя яе плацельшчык мае права, у адпаведнасцi з артыкулам 13 памянёнага вышэй Закона, на атрыманне стандартных падатковых iльгот. У прыватнасцi, у памеры адной базавай велiчынi за кожны месяц падатковага перыяду, у памеры дзвюх базавых велiчынь на кожнае дзiця да 18 гадоў i (або) кожнага ўтрыманца за кожны месяц падатковага перыяду. Акрамя гэтага, можа быць прадастаўлены стандартны падатковы вылiк у памеры 10 базавых велiчынь за кожны месяц падатковага перыяду. Ён прадастаўляецца наступным катэгорыям плацельшчыкаў: фiзiчным асобам — iнвалiдам I i II груп незалежна ад прычын iнвалiднасцi, iнвалiдам з дзяцiнства, дзецям-iнвалiдам да 18 гадоў. Плацельшчыкам, якiя адносяцца да дзвюх i больш катэгорый, стандартны падатковы вылiк прадастаўляецца ў памеры, якi не перавышае 10 базавых велiчынь за кожны месяц падатковага перыяду.