Попел як сродак аховы

Источник материала:

Рубрыку вядзе Валянціна ШПІЛЕЎСКАЯ, тэл. 285-88-81

Вясной пад кусты парэчак падсыпаюць попел i прыкрываюць кавалачкамi плёнкi. Такiм чынам шкоднiкам, якiя зiмавалi ў глебе, нялёгка будзе выбрацца на паверхню.

Попел, якi атрымлiваецца пры спальваннi торфу, змяшчае мала пажыўных рэчываў. Некаторыя яго вiды змяшчаюць многа жалеза, што можа быць не вельмi карысным для агароднiнных культур, а вось для садовых дрэў, асаблiва вiшнi, чарэшнi, слiвы такi попел будзе дарэчы, бо вокiслы жалеза павышаюць марозаўстойлiвасць раслiн.

Трэба сказаць, драўнiнны попел выкарыстоўваюць не толькi як удабрэнне.

 Яго выкарыстоўваюць у першую чаргу для прыгатавання пажыўных раствораў пры перадпасяўной падрыхтоўцы насення (у 1 л вады разбаўляюць 13 чайную л попелу i 13 ч.л. любога комплекснага удабрэння.

 Калi пры пасадцы сунiц у ямкi насыпаць крыху попелу, раслiны хутчэй прыжывуцца i будуць менш хварэць.

 Для барацьбы з крыжацветнай блошкай рэкамендуецца лiсце капусных культур пасыпаць попелам.

 Прымяняецца раствор драўнiннага попелу супраць тлi: 300 г попелу прасейваюць, залiваюць гарачай вадой i кiпяцяць на працягу 20 хвiлiн, адвар адстаiцца, потым яго працэджваюць, далiваюць да 10 л i апырскваюць раслiны.

 Пры паяўленнi прымет пашкоджання цыбульных кветкавых культур цыбульнай мухай неабходна iх палiць растворам попелу.

 У барацьбе з каларадскiм жуком выкарыстоўваюць раствор попелу: двухлiтровы слоiк попелу разбаўляюць у вядры вады, дадаюць гаспадарчае мыла. Кожны лiтр раствору разводзяць у вядры i апырскваюць бульбу да паяўлення лiчынак на бульбоўнiку.

 Попел выкарыстоўваецца пры кампаставаннi раслiнных рэшткаў.