Мiкрааўтобус разарвала на часткi

Источник материала:

Вадзiцелi двух МАЗаў, якiя рухалiся ў бок сталiцы, прынялi ўправа на ўмацаваную ўзбочыну i знiзiлi хуткасць, саступаючы дарогу спадарожнаму мiкрааўтобусу «Форд-Транзiт». Раптам гружаны яблыкамi аўтапоезд «Вольва», што iмчаў насустрач, i якiм кiраваў грамадзянiн Рэспублiкi Польшча, рэзка змянiў накiрунак руху.

Перамяшчаючыся ўлева, фургон урэзаўся ў мiкрааўтобус. Як вынiк, апошнi страцiў кiраванне, перасек паласу сустрэчнага руху i апынуўся ў кювеце. Юнак, якi кiраваў «Фордам», атрымаў цяжкiя траўмы.

Працягваючы хаатычны рух, «Вольва» спачатку сутыкнулася з МАЗам, а пасля з iншым мiкрааўтобусам, якi ехаў следам за «Фордам».

Вельмi моцнага ўдару кузаў «Фольксвагена» не вытрымаў. Мiкрааўтобус разарвала на часткi.

Яго вадзiцель ад атрыманых траўмаў адразу памёр. Такое ж здарылася i з вiнаватым у ДТЗ вадзiцелем аўтапоезда «Вольва».

Уступленне ў сiлу з 1 сакавiка новага Кодэкса Рэспублiкi Беларусь аб адмiнiстрацыйных правапарушэннях дазволiць Дзяржаўтаiнспекцыi ўзмацнiць меры ў адносiнах да вадзiцеляў, якiя ажыццяўляюць мiжнародныя аўтаперавозкi i дазваляюць сабе парушаць рэжым працы i адпачынку. За такога кшталту дзеяннi прадугледжаны штрафы ў памеры ад чатырох да пяцiдзесяцi базавых велiчынь.

Сяргей РУДНIК,

начальнiк упраўлення ДАI УУС Гродзенскага аблвыканкама.