Главная
Гороскопы
У ветэранаў — юбiлей!
Дзмiтрый АЛЬФЕР
Сёння спаўняецца 20 гадоў з дня стварэння Мінскай абласной арганiзацыi ветэранаў вайны, працы, Узброеных Сiл i праваахоўных органаў. З нагоды ўрачыстай даты ў Мiнскiм аблвыканкаме пройдзе святочнае мерапрыемства, у час якога старшыня Мiнаблвыканкама Мiкалай Дамашкевiч уручыць ветэранам падзячныя лiсты.
Старшынёй арганiзацыi з першага дня яе заснавання з’яўляецца Аляксандр Слабада. Чалавек-легенда — так яго называюць не толькi на Мiншчыне, але i ва ўсёй краiне. Герой Сацыялiстычнай Працы, кавалер двух ордэнаў Чырвонага Сцяга, вопытны франтавiк-разведчык, ганаровы грамадзянiн Мiнскай вобласцi... Сёння, як i дзесяцiгоддзi таму, Аляксандр Iванавiч не можа сядзець без справы. Клопат аб людзях сталага ўзросту, дапамога адзiнокiм, хворым ветэранам, вырашэнне iх бытавых праблем — над гэтым абласная арганiзацыя працуе штодня. Дзякуючы наладжанаму кантакту з выканаўчымi камiтэтамi Мiншчыны ветэранская арганiзацыя мае магчымасць вырашаць праблемы людзей. Ветэраны заклапочаны i такой адказнай справай, як патрыятычная выхаванне моладзi. Хто, як не гэтыя людзi, можа расказаць новаму пакаленню аб мужнасцi, патрыятызме, гераiзме чалавека? Прыклады са свайго жыцця, успамiны ваенных часоў аказваюць вялiкае ўздзеянне на пакаленне падрастаючых беларусаў. На сённяшнiм святочным мерапрыемстве, якое пройдзе ў Мiнскiм аблвыканкаме, усiм запрошаным будзе паказана кiнастужка аб жыццi i дзейнасцi Аляксандра Слабады, чалавека, якi ўсё жыццё прысвяцiў служэнню людзям.
Чтобы разместить новость на сайте или в блоге скопируйте код:
На вашем ресурсе это будет выглядеть так
Сёння спаўняецца 20 гадоў з дня стварэння Мінскай абласной арганiзацыi ветэранаў вайны, працы, Узброеных Сiл i праваахоўных органаў
|
|