Вiншаванне Прэзiдэнта Беларусi са святам Уваскрэсення Хрыстовага

Источник материала:

Сардэчна вiншую вас са светлым днём Уваскрэсення Хрыстовага.

Сёння вялiкае свята Вялiкадня адзначае ўвесь хрысцiянскi свет. I гэта глыбока сiмвалiчна. Бо для таго, каб наша планета стала для народаў, якiя яе насяляюць, бяспечным i ўтульным домам, дзе пануюць згода, мiласэрнасць i любоў, неабходны сумесныя намаганнi прадстаўнiкоў розных нацый i веравызнанняў.

У Беларусi адносiны памiж важнейшымi хрысцiянскiмi канфесiямi, якiя сталi неад’емнай часткай нацыянальнай гiсторыi i культуры, адзначаны павагай i ўзаемаразуменнем. Iдэалы дабра, справядлiвасцi i гуманiзму, што iмi прапаведуюцца, садзейнiчаюць умацаванню духоўных i маральных асноў грамадства, маральнаму ўзвышэнню i ачышчэнню людзей.

Няхай жа свята Вялiкадня прынясе ў вашы сем’i радасць, напоўнiць сэрцы цяплом i надзеяй, дапаможа быць больш добрымi i цярпiмымi да блiзкiх. Няхай у дамах i на вулiцах стане светла i ясна ад усмешак людзей, якiя падзяляюць адзiн з адным святасць гэтых урачыстых дзён.

Жадаю вам моцнага здароўя, поспехаў у працы на карысць Айчыны, шчасця i ўдачы.

Аляксандр ЛУКАШЭНКА.