Януш Юзэфовіч аб працы ў Беларусі

Источник материала:

Юзэфовіч - актор, харэограф і рэжысэр тэатральных пастановак - лічыцца адным з найплепшых у Польшчы спэцыялістаў па мюзіклах. У Менску рыхтуе прэм’ерны паказ мюзікла „Прарок” Ільі Алейнікава.

Ці вам гарантавалі там мастацкую свабоду - пытае „Dziennik ”.

Януш Юзэфовіч: Пабачым. Прэм’ера напрыканцы траўня. Пэўна прэзыдэнт Лукашэнка на ёй паявіцца. Гэта перашы мюзікл у Беларусі.

„Dziennik”: Атрымліваецца, што ў Беларусі рыхтуецца культурная рэвалюцыя, якой вы будзеце аўтарам.

Я. Юзэфовіч: Калі ўсё ўдасца, то, відаць, так. Пакуль адобрылі сцэнар. На маё зьдзіўленьне, ня выразалі сцэны пра свабоду. Я ведаю, што сярод публікі яна выкліча вялікія эмоцыі.

„Dziennik”: Вы атрымалі вольную руку ў падборцы артыстаў - танцораў, вакалістаў?

Я. Юзэфовіч: Зразумела. Інакш я б не рашыўся на гэта. Я правёў некалькі кастынгаў і выбраў сапраўды таленавітых людзей. Многія зь іх зачараваныя Польшчай. Дарэчы, я адчуваю, што ў асяродзьдзі, у якім я апынуўся, запанавала мода на польскасьць. Прыходзяць да мяне людзі й апавядаюць пра свае польскія карані, альбо пра сувязі з палякамі. Яны нас вельмі паважаюць, і я там дасканала сябе адчуваю. Я нядаўна сустрэў кіраўніка тамтэйшага тэлебачаньня, які мне сказаў, што калі ўбачыў канцэрт „Чырвоных гітараў”, зразумеў, што хоча рабіць у жыцьці й пачаў сьпяваць.

„Dziennik”: Ці ў Менску ўводзіце свае праслаўленыя аўтарытарныя мэтады працы?

Я. Юзэфовіч: Зразумела. У мяне няма іншага выйсьця. Я забіраю з сабою маіх асыстэнтаў, сцэнографаў, майстраў па асьвятленьні й вымагаю, каб усе працавалі пад маю каманду. Інакш нічога не атрымаецца.

„Dziennik”: Што вас спакусіла працаваць у Беларусі?

Я. Юзэфовіч: Пасьля посьпеху ў Маскве я атрымаў такую прапанову. Акрамя гэтага я магу распараджацца там такім бюджэтам, што ў Польшчы ніхто пра такі нават ня можа марыць. „Прарок” мае каштаваць 3 млн даляраў. У Амэрыцы я толькі не атрымаў бы. Магу сабе дазволіць сапраўды вялікі інцэнізацыйны размах - сказаў польскі артыст Януш Юзэфовіч, які рыхтуе ў Менску мюзікл „Прарок”.

Польскае Радыё