Аляксандр Лукашэнка даручыў распрацаваць праект указа аб адраснай сацыяльнай дапамозе

Источник материала:

Гэты праект закона выклiкаў у грамадстве вялiкi рэзананс — ён закранае iнтарэсы многiх грамадзян, якiя карыстаюцца тымi або iншымi льготамi. I не заўсёды гэта станоўчы рэзананс. Аднак сiстэма льгот, створаная яшчэ ў савецкiя часы, не можа не зведаць змяненняў, асаблiва ў цяперашнiх эканамiчных умовах. Кiраўнiк дзяржавы ў ходзе даклада чарговы раз пацвердзiў сваю пазiцыю: пытанне аб упарадкаваннi льгот павiнна быць вырашана, i па вялiкiм рахунку гэты працэс ужо зацягнуты. У ходзе апошняй i папярэдняй перадвыбарных кампанiй людзi самi звярталi ўвагу на тое, што ў краiне трэба навесцi парадак з iльготамi.

Не можа лiчыцца нармальнай сiтуацыя, калi больш як палавiна насельнiцтва краiны — льготнiкi. Менавiта таму асноўныя прынцыпы, якiя былi пакладзены ў аснову ўпарадкавання льгот, — адраснасць i справядлiвасць. Гэта значыць, яны павiнны прадастаўляцца толькi тым людзям, якiя непасрэдна ў гэтым маюць патрэбу, якiя з-за аб’ектыўных прычын не могуць самi зарабiць грошы i аплацiць тую або iншую паслугу, работу, той або iншы тавар.

Грошы, што вызваляюцца ў працэсе ўпарадкавання льгот, пойдуць на рэалiзацыю праграмы «Дзецi Беларусi». Сёння галоўнае — не размываць сродкi на льготы, якiя для многiх грамадзян з’яўляюцца не вельмi значнымi, а пераарыентаваць грашовыя патокi, перш за ўсё, на дзяцей, падкрэслiлi ў прэс-службе Прэзiдэнта. Так, у Беларусi прынята рашэнне аб бясплатным харчаваннi дзяцей да 2 гадоў, iдзе перааснашчэнне медыцынскiх устаноў, укладваюцца сродкi ў здароўе дзяцей.

Менавiта таму працэс упарадкавання льгот аб’ектыўна неабходны. Ён для кагосьцi балючы, але яго трэба перажыць для таго, каб зэканомленыя сродкi пайшлi на сапраўды важныя i далёка iдучыя мэты. Зусiм нядаўна ў сваiм Пасланнi беларускаму народу i Нацыянальнаму сходу Прэзiдэнт падкрэслiў: неабходна максiмальна аператыўна ажыццявiць пераход ад палiтыкi сацыяльнай дапамогi да палiтыкi сацыяльнага развiцця.

Пры гэтым разумеючы, што ў краiне ёсць i маладыя, i пажылыя людзi, якiя маюць вельмi вострую патрэбу ў дапамозе, кiраўнiк дзяржавы даручыў адначасова з прыняццем закона аб упарадкаваннi сацыяльных iльгот распрацаваць праект указа аб адраснай сацыяльнай дапамозе, дзе павiнен быць прапiсаны дакладны, падрабязны, дэбюракратызаваны механiзм прадастаўлення сацыяльнай дапамогi тым, каму яна сапраўды патрэбна. У дакуменце будзе вызначана, якiя катэгорыi грамадзян трапяць пад адрасную дапамогу, якiя льготы i перавагi яны будуць мець, якiя падставы неабходны для атрымання гэтай дапамогi.

Пры гэтым Прэзiдэнт асаблiва падкрэслiў, што механiзм прадастаўлення адраснай сацыяльнай дапамогi павiнен быць поўнасцю празрысты, сумленны, справядлiвы, падрабязна прапiсаны i зразумелы для ўсiх. I галоўнае — каб гэту адрасную сацыяльную дапамогу людзi маглi атрымаць у спрошчаным, максiмальна аператыўным парадку, не зведваючы якiх-небудзь унiжэнняў, ушчамленняў з боку чыноўнiкаў, адзначыў Аляксандр Лукашэнка.

Распрацоўкай гэтага праекта ўказа ў самы блiжэйшы час зоймуцца ўрад i Адмiнiстрацыя Прэзiдэнта.

Кiраўнiку дзяржавы таксама даложана аб ходзе разгляду некаторых крымiнальных спраў, якiя знаходзяцца на асаблiвым кантролi ў Прэзiдэнта. У тым лiку — атрымаўшая пэўны рэзананс справа аб прыцягненнi да крымiнальнай адказнасцi шэрагу кiруючых асобаў i ўладальнiкаў мэблевых салонаў, якiя займалiся пастаўкай i рэалiзацыяй дарагой мэблi ў Беларусi.

Пазiцыя Прэзiдэнта тут дакладная i адназначная: асобы, вiнаватыя ў парушэннi падатковага i мытнага заканадаўства, якiя не выплацiлi своечасова i ў поўным аб’ёме мытныя i падатковыя плацяжы, павiнны ў разы кампенсаваць той урон, якi панесла дзяржава. Пры гэтым размова iдзе аб пакрыццi як непасрэдна прычыненага ўрону, так i ўпушчанай дзяржавай выгады ў сувязi з тым, што вiнаватыя парушалi заканадаўства, ухiлялiся ад выканання сваiх эканамiчных абавязкаў i злоўжывалi даверам грамадзян i дзяржавы. З улiкам усiх абставiнаў, а таксама таго, наколькi будзе кампенсаваны ўрон, i будзе прымяняцца пакаранне да вiнаватых.