Урад Беларусi ўдасканалiў сiстэму аплаты працы работнiкаў

Источник материала:

Калi да прыняцця гэтай пастановы агульная сума сродкаў, што накiроўваюцца на выплату надбавак кiраўнiкам, спецыялiстам i служачым арганiзацый (акрамя тых, што фiнансуюцца з бюджэту i карыстаюцца дзяржаўнымi датацыямi) за высокiя дасягненнi ў працы, выкананне асаблiва важнай або тэрмiновай работы i iншыя паказчыкi, не павiнна перавышаць 20 працэнтаў сумы службовых акладаў гэтых катэгорый работнiкаў, то зараз гэта планка ўзнята да 30 працэнтаў.

Не менш цiкавае змяненне датычыцца заробкаў кiраўнiкоў. Як вядома, дагэтуль для кiраўнiкоў стабiльна працуючых арганiзацый дзяржаўнай формы ўласнасцi i з доляй уласнасцi дзяржавы ў iх маёмасцi, якiя маюць высокую эфектыўнасць i прыярытэтнае значэнне ў развiццi галiны, а таксама арганiзацый, асноўнай мэтай якiх з’яўляецца сацыяльна-працоўная рэабiлiтацыя iнвалiдаў i садзейнiчанне iх iнтэграцыi ў грамадства, каэфiцыент суадносiнаў сярэдняй заработнай платы кiраўнiка i сярэдняй заработнай платы па арганiзацыi ў цэлым мог быць устаноўлены ў памеры звыш 3,5. Пры гэтым каэфiцыент звыш 3,5 i да 4,5 уключна ўстанаўлiваецца па ўзгадненню з прэм’ер-мiнiстрам або вiцэ-прэм’ерам, а звыш 4,5 — пастановай Савета Мiнiстраў па ўзгадненню з Прэзiдэнтам Беларусi (у выключных выпадках па абгрунтаванаму прадстаўленню органа, упаўнаважанага кiраваць дзяржаўнай маёмасцю). Новай пастановай урада каэфiцыент суадносiнаў 4,5 павялiчаны да 5,0. Такiм чынам, пасля ўступлення дакумента ў сiлу па ўзгадненню з прэм’ерм-мiнiстрам або вiцэ-прэм’ерам можа ўстанаўлiвацца каэфiцыент да 5,0 уключна, а пастановай Савета Мiнiстраў па ўзгадненню з кiраўнiком дзяржавы — звыш 5,0.

I яшчэ. Пастановай Савета Мiнiстраў ад 27 снежня 2004 года № 1651 «Аб некаторых пытаннях рэгулявання аплаты працы работнiкаў камерцыйных арганiзацый» быў зацверджаны базавы гранiчны нарматыў тарыфнай стаўкi першага разраду для камерцыйных арганiзацый дзяржаўнай формы ўласнасцi i з доляй уласнасцi дзяржавы ў iх маёмасцi — у памеры бюджэту пражытковага мiнiмуму для працаздольнага насельнiцтва. Цяпер дадаткова ўнесена новая норма — у выпадку змяншэння памеру бюджэту пражытковага мiнiмуму для працаздольнага насельнiцтва базавы гранiчны нарматыў тарыфнай стаўкi першага разраду застаецца нязменным.