Суд абавязаў Нацпарк «Браслаўскiя азёры» вярнуць грамадзянiну Br2,7 млн за знiшчаныя пасевы

Источник материала:

У такую суму быў ацэнены ўрон, якi жыхару вёскi Крукаўшчына нанеслi кабаны, што жывуць на запаведнай тэрыторыi i знiшчылi пасевы бульбы. Рашэнне суда першай iнстанцыi ўступiла ў законную сiлу, аднак можа быць абскарджана адказчыкам у парадку нагляду, дадалi ў судзе.

Як паведамiў старшыня суда Браслаўскага раёна Мiкалай Вашкель, гэта другi iск аб вяртаннi ўрону за патравы пасеваў дзiкiмi жывёламi, якiя жывуць у паляўнiчых угоддзях Нацпарку. Першая справа была вырашана на карысць парку, паколькi iсцец не прыняў рэкамендаваных мераў па ахове свайго агарода.

Дзiкiя кабаны ў Браслаўскiм раёне наносяць урон не толькi прыватным гаспадаркам, але i грамадскiм пасевам. Паводле даных спецыяльнай камiсii, створанай пры райвыканкаме, летась у раёне гэтыя жывёлы знiшчылi ў сельгаспрадпрыемствах больш як 6 тыс. га пасеваў, нанёсшы эканомiцы раёна ўрон звыш Br2 млрд. Камiсiяй складзена больш як 200 актаў аб патравах пасеваў. У райвыканкам паступiла 71 заява, дзе грамадзяне патрабавалi навесцi парадак з улiкам i колькасцю жывёл у Нацыянальным парку «Браслаўскiя азёры». Паводле даных раённай спецкамiсii, колькасць дзiкiх кабаноў у паляўнiчых угоддзях, якiя арандуюцца Нацпаркам, у летнi перыяд перавышае дапушчальную норму ў 3—4 разы.