Гарадскiя пляжы Жлобiна i Полацка закрылiся для купальшчыкаў

Источник материала:

Паводле iнфармацыi Рэспублiканскага цэнтра гiгiены, эпiдэмiялогii i грамадскага здароўя, у Брэсцкай вобласцi рашэннем санэпiдслужбы закрыты для купання пляж на возеры Цна ў Ганцавiцкiм раёне, зона адпачынку на возеры Алтушскае ў Маларыцкiм раёне i зона адпачынку «Басейн» у Пружанскiм раёне. У Вiцебскай вобласцi забараняецца купацца ў рацэ Заходняя Дзвiна ў межах Полацка, у Гомельскай вобласцi — на гарадскiм пляжы горада Жлобiна, у Магiлёўскай вобласцi — на гарадскiм пляжы ў Шклове. На Мiншчыне небяспечнымi для купання прызнаныя санiтарнай службай рака Цiтаўка ў Пухавiцкiм раёне i рака Случ у Слуцкiм раёне. У Гродзенскай вобласцi i Мiнску пакуль што ўсе вадаёмы адкрыты для купання.

Нагадаем, што рашэнне аб забароне купання прымаецца санэпiдслужбай па прычыне неадпаведнасцi вады санiтарна-гiгiенiчным патрабаванням, пераважна, па прычыне перавышэння нормаў утрымання ў вадзе кiшэчнай палачкi. Акрамя таго, вада не павiнна ўтрымлiваць жыццяздольныя яйкi гельмiнатаў. У купальны сезон бактэрыялагiчныя даследаваннi вады праводзяцца ў месцах масавага адпачынку ў сярэднiм адзiн раз на тыдзень. Падчас спякоты вадаёмы пачынаюць актыўна цвiсцi, у вынiку чаго значна пагаршаюцца самаачышчальныя здольнасцi вады. Пры атрыманнi двух запар нездавальняючых па бактэрыялагiчных паказчыках узораў вады выносiцца пастанова аб забароне выкарыстання вадаёма ў культурна-бытавых мэтах. Для адпачываючых купанне ў такiх вадаёмах пагражае кiшэчнымi расстройствамi.