Прэзiдэнт падтрымаў пазiцыю КДК аб неабходнасцi выпрацаваць нарматыўны акт па пытаннях рэалiзацыi

Источник материала:

У прыватнасцi, кiраўнiк дзяржавы праiнфармаваны аб выкананнi даручэнняў па праверцы выкарыстання зямель у Мiнскiм раёне. Прэзiдэнт даручыў Камiтэту вывучыць сiтуацыю з выдзяленнем i выкарыстаннем зямельных участкаў у цэлым па краiне i сумесна з урадам выпрацаваць сiстэмны падыход да пытання кантролю за выкарыстаннем зямельных участкаў.

Кiраўнiк дзяржавы праiнфармаваны па пытаннях рэалiзацыi нафтапрадуктаў у Беларусi. Старшыня КДК лiчыць, што ў гэтай сферы няма належнага кантролю за парадкам. Больш як 500 суб’ектаў гаспадарання займаюцца продажам нафтапрадуктаў у рэспублiцы.

Прэзiдэнт падтрымаў пазiцыю старшынi Камiтэта, якая заключаецца ў тым, што павiнен быць выпрацаваны i прыняты адпаведны нарматыўны акт, якi б дакладна вызначаў «правiлы гульнi» ў гэтым пытаннi.

Зянон Ломаць далажыў аб сiтуацыi па рэалiзацыi цэменту ў краiне.

У час дакладу Прэзiдэнт звярнуў увагу старшынi КДК на неабходнасць узмацнiць работу па кантролю за энергазабеспячэннем i энергазберажэннем у Беларусi, выкарыстаннем дзяржаўных сродкаў, выкананнем дзяржпраграмы па энергазабеспячэнню.

У мiнулым годзе з 36 запланаваных да завяршэння iнвестыцыйных праектаў, звязаных з энергазабеспячэннем i энергазберажэннем, рэалiзавана толькi 16. КДК мае намер разабрацца, хто вiнаваты ў iснуючай сiтуацыi, i ў цэлым актывiзаваць сваю дзейнасць на гэтым напрамку. Асаблiвая ўвага будзе ўдзелена кантролю за выкананнем Дырэктывы № 3.

У час даклада абмяркоўвалiся пытаннi правядзення цэнтралiзаванага тэсцiравання. У час тэсцiравання па трох прадметах — беларускай i рускай мовах, гiсторыi Беларусi — 22 чалавекi ў сувязi з рознымi парушэннямi былi выдалены з аўдыторый. Паводле слоў кiраўнiка КДК, пытаннi тэсцiравання знаходзяцца пад жорсткiм кантролем Камiтэта.

Прэс-служба Прэзiдэнта Рэспублiкi Беларусь.