Спадзяёмся на замежных спецыялiстаў

Источник материала:

Спорт-тайм

— Праца з нашымi хакеiстамi трэнераў з Паўночнай Амерыкi пакуль сябе апраўдвае, бо трэба абапiрацца на тых людзей, хто на дадзены момант ведае больш, а не прыдумваць нешта самому, — перакананы старшыня федэрацыi Уладзiмiр Навумаў. — Я ўсю ноч думаў, хто з беларускiх спецыялiстаў можа ўзначалiць нацыянальную каманду: у Мiхаiла Захарава, якi ўзяў Кантынентальны кубак, Эдуарда Занкаўца, Андрэя Гусава хапае заслуг, але, каб быць трэнерам нацыянальнай зборнай, iм трэба яшчэ над сабой папрацаваць.

У БЯЛЬКЕВIЧА — «ЗОЛАТА» ЧЭМПIЯНАТУ УКРАIНЫ

Два беларускiя легiянеры сталi прызёрамi чэмпiянату Украiны па футболу. Валянцiн Бялькевiч у складзе кiеўскага «Дынама» заваяваў «золата», а Аляксандр Данiлаў з харкаўскага «Металiста» — «бронзу». Нападаючы днепрапятроўскага «Дняпра» (фiнiшаваў у першынстве Украiны чацвёртым) i нацыянальнай зборнай Беларусi Сяргей Карнiленка заняў трэцяе месца ў спiсе бамбардзiраў з паказчыкам 10 мячоў. Форвард львоўскiх «Карпат» Леанiд Ковель забiў 6 галоў у 13 сустрэчах i стаў другiм па вынiковасцi ў сваёй камандзе.

КЛУБЫ ЗАСТАНУЦЦА БЕЗ ПАДТРЫМКI Ў ПЛЭЙ-ОФ

У наступным сезоне на стадыi плэй-оф хакейныя каманды не змогуць узмацняць свой склад беларускiмi легiянерамi, якiя завяршылi сваё выступленне ў замежных турнiрах да старту барацьбы за медалi нацыянальнага першынства. Такое рашэнне было прынята на выканкаме Федэрацыi хакея Рэспублiкi Беларусь. Давядзецца абыходзiцца сваiмi сiламi.