Якога колеру аптымизм?

Источник материала:

Не адно пакаленне фiлосафаў i вучоных спрабавала разгадаць уплыў колеру на мiкракосмас чалавека. Зараз вядома, што колер уплывае на працаздольнасць, жыццядзейнасць асобных органаў i сiстэм, самаадчуванне, апетыт i сон. Псiхолагi падзяляюць колеры на актыўныя i пасiўныя. Першыя — ярка-чырвоны, ярка-аранжавы, жоўты — ўзбуджаюць, «надаюць хуткасцi». Другiя больш разнастайныя па свайму ўздзеянню. Так, светлыя адценнi зялёнага, ружовага, блакiтнага i ў нейкай ступенi белы колер супакойваюць, зялёны i сiнi лiчацца нейтральнымi, лiловы i фiялетавы нараджаюць няўпэўненасць, трывогу, смутак, а цёмна-карычневы i чорны прыгнятаюць.

Уздзеянне колеру на фiзiялогiю чалавека пацверджана эксперыментальным шляхам i залежыць ад колькасцi колеру, яго якасцi, часу ўздзеяння, асаблiвасцяў нервовай сiстэмы, узросту, полу i iншых фактараў. Асноўныя колеры характарызуюцца наступным чынам: белы — лёгкi; жоўты — лёгкi, цёплы, сухi; аранжавы — цёплы, сухi, крыклiвы, гучны; чырвоны — цяжкi, цёплы, сухi, крыклiвы, гучны; фiялетавы — цяжкi, сiнi — цяжкi, халодны, вiльготны, цiхi, спакойны; зялёны — халаднаваты, вiльготны, спакойны; блакiтны — лёгкi, вiльготны, цiхi, спакойны; карычневы — цяжкi, цёплы, вiльготны; чорны — цяжкi, сухi.

Аптычнае ўздзеянне колеру праяўляецца ў iлюзiях, аптычных з’явах, якiя выклiкае колер, змяненнi знешняга выгляду прадметаў пад яго ўплывам. Так, белы цi жоўты як бы распаўсюджваюцца на размешчаныя побач з iмi больш цёмныя колеры i змяншаюць паверхнi. Жоўты колер «прыпадымае» паверхню, якая здаецца да таго ж большай. Чырвоны — наблiжае, блакiтны — аддаляе. Плоскасцi, пафарбаваныя ў цёмна-сiнi, фiялетавы i чорны колеры, зрокава змяншаюцца i iмкнуцца ўнiз. Зялёны колер — самы спакойны.

З аптычнымi вартасцямi колеру цесна звязана псiхалагiчнае ўздзеянне — уплыў на пачуццi. Выбар любiмага колеру абумоўлены характарам, iндывiдуальнымi асаблiвасцямi ўспрыняцця. Вядомы наступны ланцужок колераў, складзены па меры змяншэння перавагi: блакiтны-белы-ружовы-пурпурны-чырвоны-зялёны-жоўты-аранжавы-карычневы-чорны. Сангвiнiкi аддаюць перавагу жоўта-зялёнай частцы спектра, халерыкi — чырвонай, меланхолiкi — фiялетава-сiняй, флегматыкi — сiне-зялёнай.

Наогул ЧЫРВОНЫ — колер жыццярадаснасцi, сiлы, упэўненасцi, iдэльны «раздражняльнiк», з-за чаго i прызнаны самым сэксуальным. Адначасова ён агрэсiўны i ў вялiкай колькасцi прыгнятае, асаблiва меланхолiкаў. ЖОЎТЫ — гэта аптымiзм i бадзёрасць, цудоўна спалучаецца з iншымi колерамi, яго адценнi нiколi не нясуць у сабе адмоўнага зараду. АРАНЖАВЫ падыходзiць тым, хто хоча ўзмацнiць пачуццё цеплынi i жыццярадаснасцi. ЗЯЛЁНЫ — гармонiя, спрыяльнае ўздзеянне на халерыкаў. СIНI таксама выступае за спакой, расслабленне, надае асвяжальны эфект. Бледна-блакiтныя адценнi сiмвалiзуюць маладосць, марскiя — дасканаласць i бясконцасць, сiне-чорныя — аўтарытэт i ўладу. ФIЯЛЕТАВЫ — гэта эфект нечаканасцi (ад чырвонага адцення) i адначасова стрыманасць (ад сiняга). БЕЛЫ — паветранасць i бязважкасць. ЧОРНЫ цудоўна падкрэслiвае i вылучае iншыя колеры, аднак у дамiнанце ён сведчыць аб надзвычайнай арыгiнальнасцi i ў вялiкай колькасцi нараджае змрочны настрой.

У iнтэр’еры выкарыстоўваюць чатыры асноўныя схемы колераў: аднакаляровая — выкарыстанне розных адценняў аднаго колеру, напрыклад, сцены — светла-сiнiя, а дэкаратыўныя элементы — цёмна-сiнiя; змешаная, калi спалучаюцца колеры хоць i розныя, але з аднаго спектра, напрыклад, сiнi, сiне-фiялетавы, сiне-зялёны; дадатковая — спалучэнне ўзаемна-процiлеглых колераў: чырвоны i зялёны, жоўты i фiялетавы i г.д., галоўнае, каб адзiн быў яркiм, а другi — прыглушаным; трохкаляровая, калi выкарыстоўваюцца роўнааддаленыя колеры спектра, напрыклад, жоўта-аранжавы, сiне-зялёны i чырвона-фiялетавы.

Зразумела, што ў кожнага колеру — сваё месца ў кватэры, паколькi спальня павiнна спрыяць расслабленню (цёмны цi сiнi колеры), дзелавы кабiнет заклiканы танiзаваць з дапамогай жоўтага ў невялiкай колькасцi (поспехi ў перамовах, стымуляванне кампрамiсных рашэнняў), а кухня можа сустракаць i чырвоным колерам, калi тамтэйшыя гаспадары не баяцца абуджэння апетыту i пераядання.

Любы колер у афармленнi i дызайне дома здольны ўплываць на псiхiку толькi ў тым выпадку, калi ён пераважае. Калi пераважае сiнi, можна гаварыць пра сiмвалiзм задаволенасцi i спакою. Сiнi плюс зялёны — бесканфлiктнасць. Перавага зялёнага ў спалучэннi з сiнiм сiмвалiзуе пазiтыўны эмацыянальны настрой, iмкненне да прызнання, поспеху ў справах. Пераважна чырвоны настройвае на актыўны лад, хоць можа пераўзбуджаць неўраўнаважаных людзей. Фiялетавы i ўсе яго адценнi можна парэкамендаваць для выкарыстання ў iнтэр’еры людзям спакойным, схiльным марыць. Жоўты стварае пазiтыўны эмацыянальны настрой i сімвалiзуе падтрымку тых жа дамачадцаў. Галоўны колер вялiкiх плоскасцяў хатняга iнтэр’ера — дываноў, гардзiн, сцен i г.д. не павiнен быць шэрым, карычневым, чорным. Шэры ў спалучэннi з чорным цi карычневым ўплывае на псiхiку вельмi негатыўна, i нiводзiн пазiтыўны колер ужо не «разбавiць» гэта ўражанне. Той жа карычневы пераважна правакуе напружанне, боязь адзiноты, страту веры ў сябе. Белы пераважна працуе досыць нейтральна, аднак на яго фоне мацней уплываюць на самаадчуванне iншыя колеры. Спалучэнне ж белага з чорным можа раздражняць, нараджаць пачуццё дыскамфорту.