Будзьце заўсёды мабiльнымi

Источник материала:

— Мы шчыра вiншуем калектыў старэйшай беларускай газеты з 90-годдзем. Удвая прыемна, што i МТС сёлета адсвяткуе свой першы юбiлей: 27 чэрвеня наша кампанiя адсвяткуе 5-годдзе. Так што па ўзросту ў параўнаннi са «Звяздой», мы яшчэ — «дзецi». Але ж гэта не перашкаджае нам плённа супрацоўнiчаць. Нашы адносiны мабiльныя: заўсёды шмат цiкавых iдэй, як у нас, так i ў вас. Думаецца, што чытачы не пакiдаюць без увагi нашу сумесную рубрыку, бо ў аграгарадках адраджаецца вясковы лад, для вяскоўцаў там ствараюцца ўмовы жыцця не горшыя, чым у гарадах, а бывае, i лепшыя. У Прыдзвiнскiм краi ўжо забяспечаны сувяззю МТС каля 80 аграгарадкоў. I МТС старанна клапоцiцца аб тым, каб не толькi ў аграгарадках заўсёды на ўсе 100 працавала сотавая сувязь... Калi ёсць вольны час, абавязкова стараюся чытаць найбольш паважаныя друкаваныя СМI. Прыемна, што «Звязда» так паважлiва адносiцца да беларускай мовы. Канешне, мо каму прасцей чытаць артыкулы па-руску, але ж любоў да роднай мовы з’яўляецца гарантам паспяховага развiцця нацыi, наша мова — скарб, якiм можна ганарыцца. I МТС таксама робiць магчымым размаўляць па мабiльных тэлефонах на роднай беларускай мове, пераадольваючы адлегласцi i межы. Усiм звяздоўцам, чытачам, iх блiзкiм, сярод якiх шмат абанентаў МТС, шчыра жадаю моцнага здароўя, сямейнага шчасця, будзьце заўсёды мабiльнымi па жыццi i тады, безумоўна, калi будзе трэба, пераадолееце самыя розныя выпрабаваннi.