З кiно, канцэртам i салютам

Источник материала:

Тэлесеткi

1 лiпеня Першы канал пакажа тэлеверсiю сольнага канцэрта Аляксея Хлястова «Таму што я кахаю».

2 лiпеня ў эфiры Першага — канцэртная праграма «Далёкiя i блiзкiя 80-я», творчы вечар кампазiтара Кiма Брэйтбурга «Мiнскi бенефiс», канцэрт заслужанага артыста Беларусi Якава Навуменкi «Залатыя песнi», канцэрт удзельнiкаў «Еўрабачання» «Беларусь — 12 балаў». Увечары Першы i спадарожнiкавы канал «Беларусь-ТБ» будуць трансляваць урачысты сход i святочны канцэрт, прысвечаны Дню Незалежнасцi. Таксама 2 i 3 лiпеня будзе паказана адна з найбольш гучных кiнапрэм’ер года — вострасюжэтны серыял «Маёр Ветраў» паводле твораў Мiкалая Чаргiнца. У вячэрнiм эфiры «ЛАДу» — канцэрт «Шэдэўры сусветнага мастацтва ля сцен старажытнай Сафii», а на наступны дзень — канцэрт у дзвюх частках «Ты ў сэрцы маiм, Беларусь».

3 лiпеня па традыцыi Першы, «ЛАД» i «Беларусь-ТБ» у прамым эфiры транслююць ваенны парад i тэатралiзаванае спартыўна-маладзёжнае шэсце. Канцэртная тэлепраграма таксама вельмi насычаная: гэта i выступленне спявачкi Алесi «Разам са сваёй краiнай», i выступленне ў Палацы Рэспублiкi народнага артыста СССР Iосiфа Кабзона, i канцэрт з удзелам беларускiх i iтальянскiх выканаўцаў «Сустрэча сяброў», i заключны гала-канцэрт рэспублiканскай акцыi «За незалежную Беларусь!». Апошнi канцэрт, гэтаксама як акцыю «Спяём Гiмн разам» i святочны салют, гледачы ўбачаць у прамым эфiры.

Спецыяльна да Дня Незалежнасцi Белтэлерадыёкампанiя падрыхтавала дакументальны фiльм «О Беларусь, мая шыпшына...» — аповед пра дасягненнi незалежнай краiны на сучасным этапе i перагортванне старонак гiсторыi дзяржавы. Фiльм будзе паказаны на канале «ЛАД».