Цi стане Гомельшчына мiльянерам?

26.08.2009 08:57 — |

Размер текста:: A; A; A

Источник материала:

Уладзiмiр ПЕРНIКАЎ.

У тым сэнсе цi збярэ яна мiльён тон збожжа, як намячалася. Бо вядома якую шкоду нанесла спякота сельскагаспадарчым арганiзацыям вобласцi. А тут — новыя непрыемнасцi: моцныя шквалiстыя вятры, непагадзь такая, што, як паведамiў на прэс-канферэнцыi першы намеснiк старшынi камiтэта па сельскай гаспадарцы i харчаванню Дзмiтрый Осiпаў, пашкоджана было 125 тысяч гектараў збожжавых i зернебабовых культур, а гэта складае звыш трэцi ўсiх уборачных плошчаў.

Першыя падлiкi сведчаць, што недабор можа скласцi 50 тысяч тон, а магчыма, i больш. Асаблiва пацярпелi пасевы рапсу. У асобных раёнах ураджай яго згублены наогул, а палеглiца хлябоў ахапiла амаль усю вобласць, што пры ўборцы iх патрабуе тысячу—паўтары тысячы тон дызельнага палiва.

Страты ў жывёлагадоўлi з-за адключэння электраэнергii на фермах склалi 25 тон малака. На аднаўленчыя работы розных збудаванняў, якiя праводзяцца, выдаткавана 4,4 тысячы лiстоў шыферу, 485 квадратных метраў руберойду, дзевяць кубаметраў лесаматэрыялаў.