Сiтуацыю з падачай дакументаў у ВНУ другога патоку можна ахарактарызаваць як «рэжым чакання»

Источник материала:

Ён патлумачыў, што пакуль заявы аб паступленнi падаюць у асноўным моцныя абiтурыенты, якiя набралi ў час правядзення тэст-iспытаў высокiя балы. Напэўна заявы ў ВНУ падалi i пераможцы розных алiмпiяд, якiя маюць магчымасць iльготнага паступлення. «Асноўная маса абiтурыентаў, вiдаць, прынясе свае дакументы ў апошнi тыдзень прыёму, паспеўшы пры гэтым прааналiзаваць сiтуацыю з некалькiх ВНУ i разлiчваючы на малы конкурс на асобныя спецыяльнасцi i спецыялiзацыi», — сказаў Аляксандр Жук. Так, згодна са статыстычнымi данымi, у БНТУ на дзённую форму навучання пададзена 19 працэнтаў заяў ад кантрольных лiчбаў прыёму, на завочную — 40 працэнтаў, прычым абiтурыенты з сельскай мясцовасцi складаюць 5—6 працэнтаў. У БДУIР на 890 месцаў дзённай формы навучання пададзена 122 заявы (горад — 114 чалавек, вёска — 8). У БДУ пры плане прыёму 1 тыс. 810 чалавек на дзённую форму атрымання адукацыi дакументы падалi 1 тыс. 200 чалавек, прычым 79 абiтурыентаў — з катэгорыi тых, хто паступае без уступных iспытаў. У Гродзенскi дзяржаўны медунiверсiтэт на 375 бюджэтных месцаў пададзена 73 заявы (25 працэнтаў — абiтурыенты з сельскай мясцовасцi).

У лiку найбольш запатрабаваных абiтурыентамi спецыяльнасцяў Аляксандр Жук назваў «мiжнародныя адносiны», «правазнаўства», «прыкладная матэматыка i iнфарматыка», «прамысловае i грамадзянскае будаўнiцтва», «архiтэктура», «дызайн». Прыём дакументаў у ВНУ другога патоку на ўсе формы атрымання адукацыi (як за кошт сродкаў бюджэту, так i на ўмовах аплаты) ажыццяўляецца ў перыяд з 12 па 29 лiпеня. Далейшае перамяшчэнне дакументаў дазволена толькi абiтурыентам, якiя ўдзельнiчаюць у конкурсе на атрыманне адукацыi за кошт сродкаў бюджэту, але якiя не прайшлi па конкурсу.