Новыя ўзнагароды беларускай школы

Источник материала:

Так, выпускнiк Лiцэя БДУ Максiм Севелеў заваяваў на суперпрэстыжных iнтэлектуальных спаборнiцтвах залаты медаль. Яшчэ адзiн выпускнiк Лiцэя БДУ Аляксандр Глымбоцкi заваяваў «серабро». А бронзавыя ўзнагароды алiмпiяды атрымалi Андрэй Малiноўскi (выпускнiк мiнскай сярэдняй школы № 51), Вiталь Ляўчук (выпускнiк гiмназii № 5 г. Баранавiчы) i Павел Гулевiч (выпускнiк Лiцэя БДУ).

Беларуская каманда здолела на гэты раз палепшыць свой папярэднi вынiк i ўвайсцi ў неафiцыйным камандным залiку ў дваццатку мацнейшых каманд. А ўсяго ўдзельнiкамi сёлетняй алiмпiяды сталi школьнiкi з 76 краiн свету.

Ёсць чым пахвалiцца i юным бiёлагам, якiя нядаўна вярнулiся з Канады. Вынiк iх удзелу ў 18-й мiжнароднай алiмпiядзе па бiялогii — 3 сярэбраныя i 1 бронзавы медалi. Асаблiва вызначыўся ў чацвёрцы пераможцаў пiнчанiн Арцём Маргуноў (сярэдняя школа № 14), якi скончыў толькi дзесяць класаў 12-гадовай школы. Для алiмпiяды па бiялогii гэта ўнiкальная з’ява, бо звычайна, перш чым трапiць на мiжнародную алiмпiяду i выступiць там годна, школьнiкi рыхтуюцца не менш як тры гады. Аднак Арцём не толькi не адстаў ад сваiх старшых сяброў па камандзе, але i здолеў заваяваць у Канадзе сярэбраны медаль.

Таксама сярэбраны медаль заваявала выпускнiца сярэдняй школы № 3 г. Клецка Аляксандра Кiтаева, якой да «золата» не хапiла ўсяго каля двух балаў. Яшчэ адзiн сярэбраны медаль у выпускнiцы Лiцэя БДУ Веранiкi Чыжык, а «бронза» — у Хрысцiны Бутоўтас, выпускнiцы Мiнскага абласнога лiцэя. У неафiцыйным камандным залiку Беларусь выйшла на 10-е месца ў свеце.